Apocalipsis 11:3 qellqatanjja, pä testigotwa parlaski, jupanakajj 1.260 urunakaw Diosat parlapjjañapäna. Ukjjarusti, ‘ajjsarkañ animalaw jupanakar nuwantasina atipjani ukat jiwarayarakini’ sasaw Bibliajj säna. Ukampis “kimsa uru chikani pasatatsti”, uka pä testigojj jaktapjjañapänwa ukat jupanak uñjasajj wal jaqejj muspharapjjañapäna (Apo. 11:7, 11).

Uka qhepatjja, Diosan ajllitanakapajj jiwayatäpkaspas ukhamaw mä jukʼa tiemp carcelan llawintata uñjasipjjäna, kimsa uru chikatanïkaspas ukhama. Diosan markapar uñisirinakajja, Diosan arunakapat yatiyañjja chhaqtayapkaspas ukhamwa wal kusisipjjäna (Apo. 11:8-10).