10 qʼuchu
‘¡Nayar khitita, nayaw sarä!’
1. Jehová Dios contraw parlapxix.
“Jan chʼamaniw”, “qhuruw” sapxiw.
“Janiw kuna Diosas utjkit”
sasaw Diosar jiskʼachapxix.
¿Khitis Diosar jachʼañchanix?
¿Khitis jupat saytʼasinix?
“¡Nayar khitit, nayaw sarä!
Nayax taqi chuymaw phuqä.
(KUTXATAÑATAKI)
Uk lurañax wali askiw, Dios.
¡När khitit, nayaw sarä!”
2. “Kunapachay phuqchin” sapxiw,
janiw Diosar axsarapkit,
idolonak yupaychapxix,
Cesararuw confiyapxix.
¿Khitisa Diosan urupat
jupanakar yatiyanix?
“¡Nayar khitit, nayaw sarä!
Jan axsarasaw yatiyä.
(KUTXATAÑATAKI)
Uk lurañax wali askiw, Dios.
¡När khitit, nayaw sarä!”
3. Jan waltʼäwin uñjasisax
suma chuyman jaqinakax,
wali llakitaw jachapxix
ukat sumankañ thaqhapxix.
¿Khitis chuymachtʼir saraspax,
chiq sarnaqañ yatichaspax?
“¡Nayar khitit, nayaw sarä!
Llampʼu chuymampiw yatichä.
(KUTXATAÑATAKI)
Uk lurañax wali askiw, Dios.
¡När khitit, nayaw sarä!”
(Uñxattʼarakismawa Sal. 10:4; Eze. 9:4.)