¡Chuym qhanartayasir jutapjjam!

1. Diosar jan istʼiri jaqenak taypin

jakasiñajj wali chʼamaw.

Nayrar sum sartaskakiñasatakejj

Diosaw yanaptʼasistanejj.

Tantachäwinak toqew jiwasarojj

Jupajj wal chʼamañchtʼasistojj.

Suma luräwinak lurañatakis

ukanwa chʼamañchapjjestojj.

Jehová Diosar istʼapjjañasapuniw,

tantachasiñasapuniw.

Diosat jan jitheqtapjjañasatakiw

tantachäwejj yanaptʼistojj.

2. Diosajj kuntï munktan uk sum yatistojj,

ewjjtʼanakap istʼañasaw.

Tantachäwitak tiemp apstʼasiñasaw,

Diosar wal confiyañasaw.

Jupar taqe chuym serviñasatakis,

ukan sum yatichapjjestojj.

Munat jilat kullakanakasampis

maynit mayniw yanaptʼastanjj.

Munat suma amigonakasampiw

jutïr urunak suytʼasktanjj.

Wali yatiñamp sarnaqañatakis

ukanwa yatichapjjestojj.