Jesusan jiwäwip amtañataki amtayäwinaka

Jesusan jiwäwip amtañ uru jakʼachasinkipanxa, irpir chuymaninakax akanakwa wakichapxañapa:

◼ Janïr Inti jalantkipanxa tʼantʼampi vinompix janiw pasayasiñapäkiti.

◼ Tʼantʼasa vinosa ukürunatakix mayitarjam wakichatäxañapawa (La Atalaya 15 de febrero de 2003, 14 ukat 15 jananak uñxattʼäta).

◼ Mesax mä mantelampi janxattʼatäñapawa ukat platonakasa copanakasa ukhamarakiw tiempompi wakichasiñapa.

◼ Tantachasiñ Utasa jan ukax kawkïr utantix tantachäwix apaskani uka utas janiräkipan suma qʼumachatäñapawa.

◼ Janïr uka uru purinkipanwa katuqtʼirinakarusa, tʼantʼampi vinompi apnaqirinakarusa ajllisxañapa; ukat kunanaksa lurapxani ukat kunjamarjamas irnaqapxani ukanakas yatiyasiñapawa, ukat Diosar luqtirinakapjamaw isthapisipxañapa ukhamaraki askichtʼasipxañapa, ukax wali wakiskiriwa.

◼ Kawkïr ajllit cristianonakatix usutäsin jan tantachäwir jutirjamäpkchi ukanakarus tʼantʼamp vinompix churasiñaparakiwa.

◼ Kawkïr tamanakatix pachpa Tantachasiñ Utan tantachasipxani uka tamanakax sum parlakiptʼasipxañapawa, ukhamat jan inamay punkuna, uta anqanakana, jan ukax auto sayayañanakan phuqantapxañapataki.

◼ Alquilat utan tantachasiñataki waktʼayasin ukhaxa, istʼañataki amplificador satäkis ukas wali suma wakichatäñapawa, ukhamat taqinis arstʼiriru istʼapxañapataki.