Diosar yuspärañataki mayisïwi

1. Taqi kunxaruw jumax apnaqtaxa,

mayitanakar istʼir, Jehová Dios.

Altʼat chuymampiw artʼasinipxsmaxa.

Munasiñamp uñjasipxakitay.

Pantjasipxapuntwa, janiw askïpkti,

juchanipxataj laykux, Dios Awkiy.

Yuqam tuqiw qhispiyasipxistaxa,

juchanaks perdonasipxakitay.

2. Qullan patiomaruw jawsasipxista,

ukat ¡walpun kusisipxaraktxa!

Kʼari yatichäwits qhispiyapxita,

Arunakam yatichasipxita.

Jumax Taqi Chʼamanipunïtawa,

ukaw wal chʼamañchapxarakitux.

Apnaqäwimaw qhispiyapxitani.

Munañamax phuqasirakiniw.

3. Jumar yupaychañax kusiskañawa,

jumax wali sum uñjasipxistax.

Munasiñampiw Reinom uttʼaytaxa.

Jiwañas jachañas tukusxaniw.

Yuqamaw taqi ñanqhanak tʼunjani,

taqiniw kusisipxarakini.

Yuspärasisaw qʼuchupxarakini.

¡Wali jachʼañchatätaw, Jehová Dios!