Calendario 2011, Familiana Diosar Yupaychañataki Aruma

Calendario de los Testigos de Jehová 2011 ukanxa, Familiana Diosar Yupaychañataki Aruma siski uka tuqitwa qhanañchaskani. Kunjamsa jichhürunakanx familianakax Bibliat yatxatapxi ukat kunjamas Diosan nayra luqtirinakapax yatiqapxirïna uka fotonakaw utji. Ukatxa kunjamsa jan wawani chacha warmisa ukat jan jaqichatäpki ukanakas yatxatapxi ukas utjarakiwa.

Diosan nayra luqtirinakapat Bibliax parlki ukanakaw calendarion uñsti. Jupanakaxa, Qullan Qillqatanakat yatxatasax wal kusisipxirïna, ukaw jan waltʼäwinakar saykatapxañapatak yanaptʼatayna (Sal. 1:2,3). Ukhamasti, familian waljanïkstansa jan ukax jukʼanïkstansa, taqpachanisa jan ukax mä qhawqhanikisa Diosar yupaychstanxa, kunja askis Familiana Diosar Yupaychañataki Arumax ukwa sapa foto uñxatasax amtañäni. Kuna urusa sapa familiax Jehová Diosar yupaychañatak amtapxi uk qillqtʼasiñatakis mä chiqax calendarion utjarakiwa. ¿Jumax niyat uka chiqar qillqtʼasxta?