45 qʼuchu
¡Nayrar sartapxañäni!
Kunjamtï imprimitäki ukham uñjañataki
1. ¡Taqiniw nayrarux sartapxañasax!
Yatiyañatakis yatxataskakiñasaw.
Yatxattʼat jaqïñaswa Diosax munix,
jupaw yanaptʼistanix.
Taqinir yatiyapxañasaw,
Jesusaw uk jaytawayistux.
Wali suma saytʼatäskañatakix
mayisiñasapuniw.
2. ¡Taqiniw nayrarux sartapxañasax!
Jan axsarayasis yatiyir sarañasaw.
Jehová Dios Reyisar jachʼañchañasaw,
utat uta sarasax.
Supayax axsarañas munix,
jan saytʼas saraskakiñasaw.
Jesusax Reinopanx uttʼayatäxiw,
¡taqiniw yatiñapax!
3. ¡Taqiniw nayrarux sartapxañasax!
Lurañax utjaskiw, chʼamachtʼasipxañasaw.
Qullan ajayump irpayasiñasaw,
ukhaw kusisiñänix.
Taqi chuym jaysasir jaqirux,
wali sum yatichapxañasax.
Nayraruw ukhamat sum sartapxanix.
¡Chiqapax qhantʼañapaw!
(Uñxattʼarakismawa Fili. 1:27; 3:16; Heb. 10:39.)