Cristot llampʼu chuymanïñ yatiqasipxañäni

1. Wali llampʼu chuymampiw jakawayix,

janiw jachʼañchasiwaykit Jesusax.

Diosat aski luräwip katuqkasas

altʼat chuymampiw phuqawayarakix.

2. ‘Qarjatanakasa jutapxañamaw

yukuj apañax phisnaw’ siw Jesusax.

Diosan Reinop thaqhasipkakït ukhax,

llakinakats samarapxarakïtaw.

3. Jan jachʼachasis yanaptʼasiñasaw;

‘taqinis jilapurapxtaw’ siw Cristox.

‘Llampʼu chuymaninakax jutïrpachanx

uraq katuqapxani’ sarakistuw.