¿Diosan Arupajj sapürut yanaptʼaskistu?

Sapüru Biblia liyiñajja, iyawsäwin wali ‘saphintatäñataki, suma uttʼatäñatakiw’ yanaptʼistaspa (Col. 2:6, 7). Ukampis Jehová Diosan Arupajj jakäwisan yanaptʼañapatakejja, kuntï liyktan uka toqet lupʼiñasawa, ukatjja yatichäwinakaparjamaw sarnaqañasaraki (Heb. 4:12; Sant. 1:22-25). Kunjamsa Biblia sum liysna ukwa, Josué 1:8 qellqatajj kimsa toqet qhanañchi: 1) Diosan Arupjja ‘uruy arumaw’ liyiñasa. 2) Liytʼasajj ‘lupʼiñasarakiwa’, ukatakejj kʼachatwa liytʼañasa, ukhamat kunanakatsa parlaski, kunanakas pasäna ukanak niyas uñjksna ukham amuyañataki. 3) Kunanaktï “librojj siski”, mä arunjja, Bibliajj siski ukarjam sarnaqañatakiw chʼamachasiñasa. Ukhamtï lurañäni ukhajja, ‘taqe luräwinakasajj sumaruw sarani’ ukat jakäwisansa amuyumpiw sarnaqarakiñäni.