“Diosar taqe chuyma confiyasipjjañäni”

Janïr Jerusalén markajj tʼunjatäkäna ukhajja, apóstol Pablojj akham sasaw cristianonakar qellqäna: ‘Criston soldadonakapjamajj jan walinak utjañap suyapjjañamawa, janiw juman askinakamaksa ni munañanakamaksa thaqapjjañamäkiti’ sasa (2 Tim. 2:3, 4). Diosajj niyaw akapach tʼunj-jjani, ukhamajj Diosar taqe chuyma loqtaskakiñatakejj iyawsäwinïñaw wali wakiskirejja (2 Cor. 4:18; 5:7). “Diosar taqe chuyma confiyasipjjañäni” sat video uñtäta. (Ukjja, Internetan jw.org cheqan QELLQATANAKA > VIDEONAKA siski ukanwa thaqtasma.) Video uñtasajja, kunjamsa Nadab chacharusa, Elena warmiparus yänak munañajj pantjasiyäna ukwa amuyañasa. Jichhasti, aka jisktʼanakarjam qhanañchtʼañäni.

1) ‘Jan wali lurirejj qollana cheqar saytʼatawa’ siski ukajj ¿kamsañsa nayrïr patak maranakan munäna? ¿Kunsa Jerusalén markankir cristianonakajj lurapjjañapäna? (Mat. 24:15, 16.) 2) ¿Kunatsa Jerusalén markat sarjjañatakejj iyawsäwinïpjjañapäna? 3) Qhespiyasiñatakejj ¿kunanaksa jaytapjjañapäna? 4) ¿Kunatsa Nadab chachampi Elena warmipampejj qhepatak mistupjjäna? (Mat. 24:17, 18.) 5) Kunapachatï Raquelajj Jerusalén marka jaytkäna ukhajja, ¿kuna yantʼansa uñjasïna? (Mat. 10:34-37; Mar. 10:29, 30.) 6) Jafet chachajj ¿kunjamsa Jehová Diosar taqe chuym confiyatap uñachtʼayäna? 7) Pela markanjja, ¿kuna jan walinakansa cristianonakajj uñjasipjjäna? 8) ¿Kunjamsa Nadab chachampina, Elena warmipampin iyawsäwipajj kʼachat kʼachata aynachtʼäna? 9) Jehová Diosajj ¿kunjamsa Pela markankir cristianonakar yanaptʼäna? (Mat. 6:33; 1 Tim. 6:6-8.) 10) Akapach niya tukusiñampïskipanjja, ¿kunjamsa Abrahamampita Sarampit yateqassna? (Heb. 11:8-10.) 11) Nadab chachampi, Elena warmipampejj ¿kunatsa Jerusalén markar kuttʼapjjäna, ukat kunatsa jupanak pachpa sallqjjasisipkäna? (Luc. 21:21.) 12) Nadab chachampi Elena warmipampejj Jerusalén markar kuttʼapkäna ukhajja, ¿kunjamäskänsa uka markan jakañajja? 13) Janïr akapach tukuskipanjja, ¿kunatsa iyawsäwis chʼamañchañajj wakisi? (Luc. 17:31, 32; 21:34-36.)

Diosar iyawsañajja: 1) Jehová Diosar taqe chuyma confiyañawa, 2) Jupampi irpayasiñawa ukat 3) yänakat llakisiskañat sipansa, Diosar serviñaw nayranki. Ukhamajja, jiwasajj Diosar taqe chuyma confiyapjjarakiñäni, ukat munañapsa phoqapjjarakiñäni. Kunjamtï 1 Juan 2:7 qellqatan siskejja, “akapachajj tukusirikiwa jan wali luräwinakapamppacha, ukampis kawkïritejj Diosan munañap lurki ukajj wiñayatakiw jaki” sasa.