BIBLIAN SUMA YATICHÄWINAKAPA | PROVERBIOS 12-16
Qorit sipansa yatiñanïñaw jukʼamp askejja
Kunjamtï imprimitäki ukham uñjañataki
¿Kunatsa Jehová Diosan yatiñapajj wali askipunejja? Jan walinakatwa maynir jarkʼaqaspa, ukhamatwa jakäwip jan aptʼaskaspati. Diosan yatiñapajja sum jakasiñataki, suma arunakampi parlañataki, kunatï askïki uk lurañatakiw maynir yanaptʼi.
Yatiñanïñajja jan jachʼa jachʼa tukuñatakiw yanaptʼistu
Yatiñajja Jehová Diosatwa juti, ukjja yatiñani mä jaqejj sum yati.
Jakäwipan askinak jikjjatapki jan ukajj suma luräwinak taman katoqapki ukanakajja, janiw jachʼa jachʼa tukupjjañapäkiti.
Yatiñajja mayninakar parlatasampi chʼamañchtʼañatakiw yanaptʼistu
Yatiñani jaqejja wali amuytʼasiriwa, janiw mayninakan pantjasitanakap thaqkiti ni jupanakatsa jan walinak parlkarakiti.
Yatiñani jaqejja janiw mayninakar chuyma ustʼaykiti, antisas parlatapajj miskʼir uñtasitaw mayninakar chʼamañchtʼi ukat yanaptʼaraki.