BIBLIAN SUMA YATICHÄWINAKAPA | PROVERBIOS 22-26
‘Wawarojja suma sarnaqañapatakejj jiskʼatpach yaticham’
Proverbios qellqatanjja suma ewjjtʼanakaw awk taykanakatak utji. Maynejj kawkharutï mä alin jiltañapa munki uksaruw jilayaspa, wawanakampejj ukaw pasaraki, jupanakarutï jiskʼatpach Diosat sum yatichasispa ukhajja, jilsjjasinjja Jehová Diosaruw serviñ munapjjani.
Wawanakar sum yatichañatakejja tiempompi chʼamachasiñampiw wakisi.
Awk taykanakajj yateqaskay sarnaqapjjañapa, wawanakapar ewjjtʼañatakisa, yatichañatakisa chʼamachasipjjañapawa.
Wawanakar yanaptʼañatakejja munasiñampiw cheqañchasiñapa.
Wawanakajj mayj mayjäpjjewa, ukhamasti janiw jupanakar mä pachpa cheqañchasiñapäkiti.