35 qʼuchu
Diosar pacienciapat yuspärapxañäni
Kunjamtï imprimitäki ukham uñjañataki
1. Jumax, Jehová, chiqap Diosätaw.
Tʼaqhisirits wal sintistax.
Akapachanx ñanqhax sintiw
ukaw chuymam wal usuytamx.
Ukampis ñanqharux jankʼakiw
arsutamarjam chhaqtayxätax.
Jumaruw atinisipxsmax,
pacienciamatsa yuspärapxsmaw.
2. Waranq marax jumatakix, Dios,
mä urukïspas ukhamaw.
Jachʼa urumasti jankʼakiw
purinirakinix, Jehová.
Juch luririx kuttʼanxi ukhax,
chuymamax wal kusisirakix.
Jutïrpacharu suytʼasaw,
yuspärasax jachʼañchanipxsmax.
(Uñxattʼarakismawa Luc. 15:7; 2 Ped. 3:8, 9.)