Jesusan kʼajkir tukutapajj Diosar jukʼamp confiyañatakiw yanaptʼistu

9:1-7

Jesusajj kʼajkir tuküna ukhajja, alajjpachankir Awkipajj “wal jupat kusista” sasaw Jesusat säna. Uk istʼañajj Jesusar wal chʼamañchtʼpachäna, ukarakiw kuna jan waltʼäwinakantï qhepat uñjasiñapäkäna ukanak aguantañatak yanaptʼäna. Pedro, Santiago, Juan apostolonakarusa, Jesusan kʼajkir tukutap uñjañajj wal chʼamañchtʼarakïna. Jesusajj jutañapäkäna uka Mesiasawa sasaw taqe chuym confiyapjjäna, jupan discipulopäñajj janiw inamayäkiti sasaw amuyapjjarakïna. 32 maranak qhepatsa, kunjamsa Jesusan kʼajkir tukutap uñjañajj ‘profecía arunakar jukʼamp confiyañatak’ yanaptʼäna ukwa apóstol Pedrojj amtäna (2Pe 1:16-19).

Jiwasajj janiw kunjamsa Jesusajj kʼajkir tuküna uk uñjktanti, ukampis kunjamsa uka visionajj jichhürunakan phoqasiski uk uñjtanwa. Jesusajj wali chʼamani mä reyëjjewa. Niyarakiw atipjäwip phoqachasajj aka oraq machaqar tukuyani, ukanjja taqe kunas cheqaparjamaw lurasini (Ap 6:2).

Biblian profecianakap phoqasiskatap uñjañajja, ¿kunjamsa Jehová Diosar jukʼamp confiyañatak yanaptʼtam?