Jesusajj jilat kullakanakas laykuw jiwarakïna

Jesusajj pantjasir jaqenak laykuw jiwäna (Ro 5:8). Taqeniw jiwasar ukham wal munasitapat yuspärtanjja. Ukampis Jesusajj jiwasjam pantjasiri jilat kullakanakas laykuw jiwarakïna, uk janipuniw armañasäkiti. Jesusat yateqasisajj kunjamsa jilat kullakanakasar munasitas uñachtʼaysna uk kimsa toqet uñjañäni. Maya, jan jiwasjam jakasiri jilat kullakanakamp sum apasiñatakiw chʼamachasiñasa (Ro 15:7; 2Co 6:12, 13). Paya, janiw jilat kullakanakasarojj arunakasampisa luratanakasampis chuym ustʼayañasäkiti (Ro 14:13-15). Kimsa, chuyma ustʼayapkistu ukanakarojj jankʼakiw perdonañasa (Lu 17:3, 4; 23:34). Jiwasatï uka kimsa toqenakan Jesusat yateqasiñatak chʼamachasiñänejja, congregacionanjja mayachtʼatäñäniwa, sumankañaw utjarakini, ukajj Diosan mä bendicionapawa.

JUKʼAMP SUMA CHUYMANÏÑATAKIW CHʼAMACHASIÑASA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• 

  Yaqha congregacionar purïna ukhajja, ¿kunsa Miki sat kullakajj ukankir jilat kullakanakat amuyäna?

• 

  Miki kullakajja, ¿kunatsa jilat kullakanakar jan wal uñj-jjäna?

• 

  Jesusajj wali munasiñampiw apostolonakapar uñjäna, ¿kunjamsa ukajj Miki kullakarojj yanaptʼäna? (Mr 14:38).

• 

  ¿Kunjamsa Proverbios 19:11 textojj jilat kullakanakasar munasiñatak yanaptʼistaspa?