Jesusajj Awkiparuw jachʼañchäna

7:15-18, 28, 29; 8:29

Jesusajja, arunakapampisa luratanakapampisa alajjpachankir Awkiparuw jachʼañchirïna. Yatichkäna ukajj Jehová Diosat jutatap yatipjjañapwa munarakïna. Ukatwa Hebreo Arut Qellqatanakarjam yatichirïna, uka qellqatanakan kamsisa uksa aytapunirïnwa. Kunapachatï maynejj Jesusar suma yatichirïtapat jachʼañchirïna ukhajja, ‘kuntï nayajj yatichkta ukajj Jehová Diosatwa juti’ sasaw sirïna. Jesusatakejja, kun lurañtï Awkipajj maykäna uk phoqañaw jukʼamp wakiskirïna (Jn 17:4).

¿Kunjamsa akhamanakan uñjasisajj Jesusat yateqassna?

• Maynir Bibliat yatichkasina, jan ukajj plataformat yatichkasina.

• Yaqhanakampi jachʼañchatäsina.

• Kunsa tiemposamp lurañäni uk amtkasina.