Luratanakapaw Diosan yatiñanïtapar confiyañatak yanaptʼistu

¿Cheqapunit Jehová Diosajj kunatï jiwasatakejj sumäki uk yati? ¡Ukhamawa! Uka toqet jan pächaskañäni ukhajja, yatiñani jaqëñäniwa ukatjja Jehová Diosampiw irpayasiñäni (Pr 16:3, 9). Janitï ukham amuykañänejja, Diosan ewjjtʼanakapar confiyañajj chʼamäniwa. Jehová Diosan yatiñanïtapar confiyañatakejja, kunanaktï jupajj lurawayki ukanakatwa lupʼiñasa (Pr 30:24, 25; Ro 1:20).

¿KHITIN LURATÄPACHASA? ¿KUNATSA KʼISIMIRANAKAJJ JAN MÄ CHEQANAK SAYANTAPKI? SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunsa kʼisimiranakajj sapür lurapjje?

• ¿Kunas kʼisimiranakarojj jan mä cheqanak sayantapjjañapatak yanaptʼi?

• ¿Kunsa kʼisimiranakat jaqenakajj yateqassna?

¿KHITIN LURATÄPACHASA? ABEJORRO INSECTON ALTNAM TUYUTAPA SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Kunatsa mä jiskʼa avionatakejj altnam tuyuñajj chʼamakejja?

• Abejorro insectojj ¿kunsa thayampi jan apayasiñatakejj luri?

• ¿Kunjam lurtʼatäkitï abejorro insectojj ukat kunsa yateqsna?

Jakaskta uka cheqanjja, ¿Diosan luratanakapat kawkïrinakas Jupan yatiñanïtap uñachtʼayi?