CANCIÓN 23
Jehová Diosan Reinopajj apnaqañ qalltjjewa
1. Kusiskañ suma uruw.
Jachʼat cantapjjañasaw.
Jehová Diosajja Reinop uttʼayjjew.
Cristow Reyit uttʼatajj.
Jupar jachʼañchañasaw.
Jupaw alajjpachat
apnaqanistanejj.
(KUTJJATAÑATAKI)
¿Reinom toqejj kuns apanïta?
¡Wiñayatak kusisiña!
¿Kunanakamps churapjjetäta?
¡Wali sumaw jakapjjätajj!
Munasir Jehová Diosaru
wal jachʼañchapjjañäni.
2. Diosajj Armagedonan
akapachar tukjanejj.
Uka urojja wali jakʼankjjew.
Taqe jaqenakaruw
jankʼak yatiyañasajj.
Jupanakajj Diosar
sum uñtʼapjjañapaw.
(KUTJJATAÑATAKI)
¿Reinom toqejj kuns apanïta?
¡Wiñayatak kusisiña!
¿Kunanakamps churapjjetäta?
¡Wali sumaw jakapjjätajj!
Munasir Jehová Diosaru
wal jachʼañchapjjañäni.
3. Jesucristow Reyisajj,
jupar jachʼañchañasaw.
Respetompiwa uñjapjjañasajj.
Jupa toqew Diosarojj
jakʼachasipjjañasajj.
Taqe chuymaw Diosar
yanap mayiñasajj.
(KUTJJATAÑATAKI)
¿Reinom toqejj kuns apanïta?
¡Wiñayatak kusisiña!
¿Kunanakamps churapjjetäta?
¡Wali sumaw jakapjjätajj!
Munasir Jehová Diosaru
wal jachʼañchapjjañäni.
(Uñjjattʼarakismawa 2 Sam. 7:22; Dan. 2:44; Apo. 7:15.)