Jehová Diosasa Jesusas kuntï juma layku lurawayapki uk valoranit uñjam

Mä amigosajj wali suma regalo churkistu ukhajj wal kusistanjja, uka regalo wali valoranit uñjataswa jupar uñachtʼayañ munaraktanjja. Ukampis Jehová Diosampi Jesusampiw wali suma regalo churawayistu, uka regalojj Jesusan jiwatapawa. Kunjamsa uka regalot yuspäratas uñachtʼaysna uk jichhajj yatjjatañäni.

1. ¿Kunjamsa kuntï Diosasa Jesusas jiwas layku lurawayapki ukar yuspäratas uñachtʼaysna?

Khitinakatï Jesusar “confiyapjjatap uñachtʼayapki” ukanakajj wiñayatakiw jakasipjjani sasaw Bibliajj qhanañchi (Juan 3:16). ¿Kunjamsa Jesusar confiyatas uñachtʼaysna? Janiw Jesusar creyiñakejj wakiskiti, jan ukasti amtanakasansa luratanakasansa jupar confiyataswa uñachtʼayañasa (Santiago 2:17). Jesusar confiyatas luratanakasampi arunakasampi uñachtʼayktan ukhajja, jupampisa Jehová Dios Awkipampis jukʼamp sumaw apastanjja (Juan 14:21 liytʼäta).

2. ¿Kuna importante tantachäwinsa Jehová Diosarus Jesusarus yuspäratas uñachtʼaysna?

Janïr jiwayatäkäna uka arumajja, kunjamsa arkirinakapajj jupan vidap churasitapat yuspärapjjarakispa ukwa Jesusajj säna. Jupajja mä importante tantachäwi uttʼayäna, Bibliarjamajja uka tantachäwejj “Tatitun Cenapa” satawa, ukatsti Jesusan jiwatap amtañatak tantachäwi sasin uñtʼatarakiwa (1 Corintios 11:20). Jesusaw apostolonakapan amtapjjañapatakejj uka tantachäwi uttʼayäna, ukhat aksaruw cheqpach cristianonakajj Jesusan jiwatap amtapjjañapajj wakisirakïna. Jesusajj uka toqet parlkasajj akham sänwa: “Akjja nayat amtasisin lurasipkakim” sasa (Lucas 22:19). Jesusan jiwatap amtañataki tantachäwir sarasajja, kuntï Jehová Diosasa Jesusas juma layku lurawayapki ukat yuspäratamwa uñachtʼaytajja.

JUKʼAMP YATJJATAÑÄNI

3. Jesusan jiwatapat yuspäratas kunjamatsa uñachtʼaysna

Maynis uman jiwañat salvkiristam ukham amuytʼam. ¿Uka jaqen jumar salvatapat jankʼakit armasjjasma? ¿Jan ukajj kunjamanakatcha jupar yuspäratam uñachtʼayasma?

Jiwasajj Jehová Diosan khuyaptʼayasiñapatwa wiñay jakañ katoqsna. 1 Juan 4:8-10 liytʼasajja aka toqetwa parltʼapjjäta:

• ¿Kunatsa Jesusan jiwatapajj mä suma regalopunejja?

• Kuntï Jehová Diosasa Jesusas juma layku lurawayapki uka toqet lupʼisajja, ¿kunjamakis jikjjatasta?

Kuntï Jehová Diosasa Jesusas jiwas layku lurawayapki uk wali valoranit uñjatasjja, ¿kunjamanakatsa uñachtʼaysna? 2 Corintios 5:15; 1 Juan 4:11; 5:3 liytʼapjjäta. Sapa texto liytʼasajja aka toqetwa parltʼapjjäta:

• ¿Kunjamsa yuspärasirïtas uñachtʼaysna?

4. Jesusatwa yateqasiñasa

Jesusat yateqasisaw yuspärasirïtas uñachtʼayaraksna. 1 Pedro 2:21 liytʼasajja aka toqetwa parltʼapjjäta:

• ¿Kunjamanakatsa Jesusat yateqasitam uñachtʼayasma?

5. Jesusan jiwatap amtañatakiw tantachasiñasa

Tatitun Cenapan kunanakas lurasïna uk yatiñatakejja, Lucas 22:14, 19, 20 liytʼapjjäta. Ukatjja aka toqetwa parltʼapjjäta:

• ¿Tatitun Cenapan kunanakas lurasïna?

• ¿Tʼantʼampi vinompejj kunamp sasisa? (Lucas 22:19, 20 uñjjattʼapjjäta).

Jesusajja discipulonakapajj maran mä kuti Tatitun Cenap amtapjjañapwa munäna, kuna fechantï jupajj jiwkäna ukhaw uk amtapjjañapäna. Ukatwa Jehová Diosan Testigonakapajj Criston jiwatap amtañatakejj sapa mara tantachasipjjta, uksti kunjamtï jupajj lurkäna ukhamarakwa lurapjjta. Uka importante tantachäwejj kunjamas apasi uk yatiñatakejja VIDEO uñtapjjäta. Ukatjja aka toqetwa parltʼapjjäta:

VIDEO: Jesusan jiwäwip amtapjjañäni (1:42)

• ¿Jesusan jiwatap amtaski uka tantachäwin kunanakas lurasi?

Tʼantʼajja Jesusajj jiwas layku sacrificiot loqtaskäna uka perfecto cuerpopampi sasiwa. Vinosti wilapampi sasirakiwa.

¿KUNSA YATEQAWAYTAN?

Kuntï Jesusajj jiwas layku lurawayki ukat yuspäratasjja, jupar confiyasa ukhamarak jiwatap amtañatak tantachäwir sarasaw uñachtʼaysna.

Amtañataki

• ¿Kunjamsa Jesusar confiyatas uñachtʼaysna?

• ¿Kuntï Jehová Diosasa Jesusasa juma layku lurapki uk wali valoranit uñjatam uñachtʼayañ munasmati? ¿Kunjamsa uk lurasma?

• Jesusan jiwatap amtañatak tantachäwir sarañajja, ¿kunatsa wali importantejja?

JUKʼAMP YATJJATAÑAMATAKI

Jesusan jiwatapajj kun lurañatakis chʼamañchistu uk videon uñtam.

Jesusajj vidap loqtasaw Jehová Diosar jachʼañchäna (9:28)

Jehová Diosar confiyañat jukʼamp yatjjatam, kunjamsa jupar confiyatas uñachtʼaysna uks yatjjatarakim.

“Jehová Diosan arsutanakapar iyawsapjjañäni” (Yatiyañataki octubre 2016)

Jesusajj kunatsa jiwäna uk yatiñajj kunjamsa mä warmir yanaptʼäna ukjja, “Me siento limpia, viva y en paz” siski uka cheqanwa liytʼäta.

“La Biblia les cambió la vida” (La Atalaya, 1 de agosto de 2011)

Jesusan jiwatap amtaski uka tantachäwinjja, kunatsa mä qhawqhanikejj tʼantʼa manqʼapjje vinsa umtʼapjjaraki uk yatjjatam.

“¿Por qué los testigos de Jehová celebran la Cena del Señor de forma diferente a otras religiones?” (Artículo de jw.org)