Diosan Arupat yatjjatañataki

Bibliajj Diosan Arupawa, taqe jaqenakatakiwa. Kunjamatsa kusisita jakassna, kunjamsa Diosarus kusisiysna ukanakatwa yatichi, ukatjja aka wali wakiskir jisktʼanakaruw qhanañcharaki:

1 ¿Khitis Diosajja?
2 ¿Kunjamatsa Diosarojj uñtʼasma?
3 ¿Bibliajj khitin qellqatasa?
4 ¿Bibliajj ciencia toqet cheqti parli?
5 ¿Kuna toqetsa Bibliajj jilpach parli?
6 ¿Bibliajj Mesiasjjat kamsataynasa?
7 ¿Kamsis Biblian profecianakapajj jichha tiempotjja?
8 ¿Diosat tʼaqesiñ utjatapat juchanïpacha?
9 ¿Kunatsa jan walinakajj utjpacha?
10 ¿Kamsis Bibliajj jutir urunakatjja?
11 Jiwjjtan ukhajja, ¿kunas jiwasampejj pasjje?
12 ¿Jiwatanakajj jaktanipjjpachäniti?
13 ¿Kamsis Bibliajj trabajiñ toqetjja?
14 ¿Kunjamsa qollq sum apnaqasma?
15 ¿Kunjamatsa kusisit jakassna?
16 ¿Kunsa llakinakampi problemanakampi jan aynachtʼañatakejj lursna?
17 ¿Kunjamatsa familiamampi kusisit jakasisma?
18 ¿Kunjamatsa Diosar jukʼamp jakʼachassna?
19 ¿Kunanakatsa Biblian libronakapajj parli?
20 Biblia liytʼkañäni ukhajja, ¿kunas sum yateqañatak yanaptʼistaspa?

BIBLIAN VERSICULONAKAP THAQTAÑATAKI

Bibliajj 66 libronakaniwa. Taqe ukanakajj payar jaljatawa: mä chikatajj Hebreo-Arameo Arunakat Qellqatanaka satawa, mä chikatasti Griego Arut Qellqatanaka satarakiwa. Yaqhepanakajj Antiguo Testamento, Nuevo Testamento sapjjarakiwa. Biblian libronakapajj capitulonakar jalanoqatawa, sapa capitulosti versiculonakar jaljatarakiwa. Kuna cheqas Bibliat liytʼasini uk sañatakejja, nayraqatajj libron sutipaw aytasi, ukjjarusti capitulon numeropaw aytasi, ukatsti mä versiculon jan ukajj walja versiculonakan numeronakapaw aytasiraki. Amuytʼañataki, Génesis 1:1 ukajja, Génesis capítulo 1, versículo 1 sañ muni.