Aka jan wali pacharojja ¿kunjamsa saykatsna?
¿Akapachan jan walinakajj utjki ukati tʼaqesiyasktamjja? Jakaskta uka cheqan inas akjjar qhanañchaski ukanakat mayajj pasaskchi.
Guerranaka
Contagier usunaka
Terremotonaka ukat yaqha ukhamanaka
Pisin jakasiña
Yaqhachatäña
Jaqe jiwayañanaka jan ukajj yaqha ukhamanaka
Mä akatjamat mä jan walejj pasi ukhajja, walja jaqenakajj jan kamachtʼasirjamaw uñjasipjje, wal llakisipjjaraki. Yaqhepajj jan kuns amuytʼasirjamaw qheparapjje. Ukampis jupanakatï jaya tiempo ukham qheparapjjaspa ukhajja, jukʼampiw jan walin uñjasipjjaspa.
Ukham jan walinak utjaspa ukhajja, jan usuntañatakiw cuidasiñama, mañqʼañanakasa qollqes jan faltañapatakiw chʼamachasiñama, familiamarus jarkʼaqañamawa, jan sint llakisiñatakis chʼamachasiñamarakiwa.
Akapachan jukʼamp jan walinakajj utjki ukajj jumar jan aynachtʼayañapatakejj ¿kunsa lurasma?