Ezequielajj kuna tiemponsa jakäna

Ezequiel sutejja “Diosaw chʼamañchi” sañ muni. Ezequielan profecianakapajj walja ewjjtʼanakanïkchisa, jupan sutipajj kamsañtï munki ukarjamajja qellqkäna ukanakat jilapartejj wali chʼamañchtʼkir arunakawa. Ukatsti khitinakatï Diosaruk adorañ munapki ukanakaruw Diosar jukʼamp confiyapjjañapatak yanaptʼi.

UKA TIEMPON JAKIR PROFETANAKA

• 

  JEREMÍAS

  Jupajj sacerdotet servir familiatänwa, jilapartejj Jerusalenanwa profetat servïna (647-580 a.C.).

• 

  HULDÁ

  Jupajj profetisa warmïnwa, 642 a.C. mara jakʼanakan Leyinakan libro templon katupkäna uka tiemponwa jakäna.

• 

  DANIEL

  Jupajj Judá tributänwa (reyinakajj uka tribut jutapjjäna), 617 a.C. maranwa Babiloniar apatäjjarakïna.

• 

  HABACUC

  Amuyatajja, Jehoiaquim reyejj apnaqañ qalltkäna ukhaw jupajj Judá markan profetäpachäna.

• 

  ABDÍAS

  Jupajj inas Jerusalenar tʼunjaskäna uka tiempon Edom contra profecianak arschïna.

¿KUNAPACHAS PROFECIANAK ARSUPJJÄNA? (ANTES DE CRISTO MARANAKAT PARLASKI)

EZEQUIEL TIEMPON KUNANAKAS PASÄNA (ANTES DE CRISTO MARANAKAT PARLASKI)

1. n. 643: Ezequielaw nasïna

2. 617: Babiloniar apataw uñjasïna

3. 613: Profetat serviñwa qalltäna; Jehová Diosaw mä visión uñjayäna

4. 612: Templon jan walinak (apostasía) utjatapwa mä visionan uñjäna

5. 611: Jerusalén contraw profecianak arsuñ qalltäna

6. 609: Esposapaw jiwäna; Jerusalenar qhep qhep kutin muyuntapkäna ukaw qalltäna

7. 607: Jerusalenajj tukjatäjjewa sasaw yatiyapjjäna

8. 593: Diosan templopwa mä visionan uñjäna

9. 591: Nabucodonosor reyiw Egiptor katuntani sasaw arsüna; librop qellqañwa tukuyäna

JUDÁ MARKAMPIN BABILONIAMPIN REYINAKAPA

1. 659-629: Josías reyejj Jehová Diosaruk adorasiñapatakiw chʼamañchäna, ukampis Nekó sat faraonampi mä guerran nuwaskasaw jiwjjäna

2. 628: Jehoacaz sat jan wali reyejj kimsa phajjsinakaw apnaqäna, ukatsti Nekó sat faraonamp katuntataw uñjasïna

3. 628-618: Jehoiaquim sat jan wali reyiw apnaqäna, jupajj Nekó sat faraonamp apnaqatäjjänwa

4. 625: Nabucodonosor reyejj Egipton ejercitoparuw atipjäna

5. 620: Nabucodonosor reyejj nayrïr kutinwa Judá markar katuntäna, ukatsti Jehoiaquim reyejj jupamp apnaqatäjjänwa

6. 618: Jehoiaquim reyejj Nabucodonosor contraw saytʼäna, ukampis inas babilonionakajj payïr kutin Suma Oraqer mantapkäna uka tiempon jiwjjchïna

7. 617: Joaquín reyejj Jeconías satarakïnwa, uka jan wali reyejj kimsa phajjsinakaw apnaqäna, ukatsti Nabucodonosor reyiruw katuyasjjäna

8. 617-607: Sedequiasajj jan wali reyïnwa, ajjsaririrakïnwa, jupajj Nabucodonosor reyimp apnaqataw reyit marka apnaqäna

9. 609: Nabucodonosor reyejj kimsïr kutin Judá markar katuntkäna ukhajja, Sedequías reyejj jupa contraw saytʼasïna

10. 607: Nabucodonosor reyejj Jerusalenaruw qʼal tukji, ukatsti Sedequías reyiruw katuntäna, juykhuptayasajj Babiloniaruw presot apjjarakïna