Bibliajja Diosan Reinopatwa jukʼamp parli. Jehová Diosajja uka Reino toqew kuntï qalltan aka oraqetak amtkäna uk phoqani. ¿Kunas Diosan Reinopajja? ¿Kunjamatsa uka Reinojj apnaqjjatap yattanjja? ¿Kunsa uka Reinojj jichhakam lurawayi? ¿Kunsa jutïrin lurarakini? Uka jisktʼanakarojja aka yatichäwina ukhamarak 32, 33 yatichäwinakanwa qhanañchasiskani.

1. ¿Kunas Diosan Reinopajja? ¿Khitis uka Reinon Reyipajja?

Diosan Reinopajja Jehová Diosan uttʼayata mä gobiernowa. Uka Reinon Reyipasti Jesucristowa, jupajj alajjpachatwa apnaqanini (Mateo 4:17; Juan 18:36). Jesusat parlkasajja, Bibliajj akham siwa: ‘Jupajj wiñayatakiw mä reyjam apnaqani’ sasa (Lucas 1:32, 33). Diosan Reinopan Reyipjamajja, jupajj aka oraqpacharuw apnaqanini.

2. ¿Khitinakas Jesusamp chikajj apnaqapjje?

Jesusajj janiw sapak apnaqkiti. Jupamp chikajja ‘taqe tribunkir jaqenakampi, kunayman aru parlirinakampi, kunayman markanakata taqe kasta jaqenakampiw reyinakjam apnaqanipjjani’ (Apocalipsis 5:9, 10). ¿Qhawqhanis Cristomp chikajj apnaqanipjjani? Jesusajj aka oraqenkkäna ukhat jichhakamajja, walja waranqa jaqenakaw Criston arkirinakapar tukuwayapjje. Ukampis 144.000 jaqenakakiw alajjpacharojj Jesusamp apnaqañatakejj sarapjjani (Apocalipsis 14:1-4 liytʼäta). Mayni cristianonakajja aka oraqenwa jakapjjani, Diosan Reinopampi apnaqatäpjjarakiniwa (Salmo 37:29).

3. ¿Kunatsa aka oraqenkir gobiernonakat sipansa Diosan Reinopajj jukʼamp sumajja?

Yaqhep gobernantenakajj kunatï sumäki uk lurañsa munapkchejja, janiw kuntï amtapki taqe ukanak lurañ puedipkiti. Jupanak qhepatjja yaqha gobernantenakaw mantjjapjjaraki, inas jupanakajj markat jan sinttʼasiri jupanakatakik taqe kuns muniri ukhamäpjjchi. Ukampis Jesusaw Diosan Reinopan Reyit uttʼayatajja, janiw jupa lantejj yaqha gobernantejj utjkaniti. Diosajj uttʼayki “uka reinojj janipuniw tukjatäkaniti” (Daniel 2:44). Jesusajj aka oraqpacharuw apnaqanini, taqeniruw mä igualak uñjarakini. Jupajj wali munasiri cheqapar uñjiri ukhamawa, jaqenakarojj jupjam wali munasirïpjjañapataki mayninakarus cheqapar uñjapjjañapatakiw Reinopan yaticharakini (Isaías 11:9 liytʼäta).

4. Diosan Reinopaw aka oraqjjar apnaqani

Wali uñtʼata marka apnaqerinakat sipansa Jesucristojj wali chʼamani wali yatiñani apnaqeriwa, janipuniw jupjam yaqha gobernantejj utjkiti. Mateo 28:18 liytʼasajja aka toqetwa parltʼapjjäta:

• Marka apnaqeri jaqenakat sipansa, ¿kunatsa Jesusaw jukʼamp chʼamanejja sasin sistanjja?

Marka apnaqerinakajj mä markakwa apnaqapjje, jukʼa tiempokiw apnaqapjjaraki, ukampis Diosan Reinopampejj janiw ukhamäkaniti. Daniel 7:14 liytʼasajja aka toqetwa parltʼapjjäta:

• Diosan Reinopajj ‘janiw tukjatäkaniti’, ¿kunjamsa uk yatiñajj yanaptʼistu?

• Diosan Reinopajj aka oraqpacharuw apnaqanini, ¿kunjamsa uk yatiñajj yanaptʼistu?

5. Oraqenkir gobiernonak lantejj yaqha gobiernow uttʼayasiñapa

¿Kunatsa Diosan Reinopajj aka oraqenkir gobiernonak lanti uttʼayatäñapa? VIDEO uñtasajja aka toqetwa parltʼapjjäta:

VIDEO: ¿Kunas Diosan Reinopajja? (fragmento) (1:41)

• ¿Marka apnaqerinakajj kuna jan walinaksa utjayawayapjje?

Eclesiastés 8:9 liytʼasajja aka toqetwa parltʼapjjäta:

• ¿Diosan Reinopaw jaqenakan gobiernonakap lantejj apnaqañapa sasat jumajj amuyarakta? ¿Kunatsa ukham amuyta?

6. Diosan Reinopan apnaqerinakajj sum uñtʼapjjestu

Jesusajj aka oraqer jutkäna ukhajja aka oraqenkir jaqenakjamaw jakarakïna, ukatwa jupajj “pantjasitanakasat khuyaptʼayasiri” reyiwa sasin sistanjja (Hebreos 4:15). Jesusamp chika apnaqanipjjañapatakejja, Jehová Diosajj jupat jan jitheqtiri 144.000 chachanakampiru warminakampiruw ajlliwayi. Jupanakajja ‘taqe tribunkir jaqenakata, kunayman aru parlirinakata, taqe kasta jaqenakata, kunayman markanakatäpjjewa’ (Apocalipsis 5:9).

• Jesusasa jupamp chik apnaqapkani ukanakas aka oraqen jakañajj kunjamasa uk sum yatipjje, ¿uk yatiñajj chʼamañchtʼtamti? ¿Kunatsa ukham amuyta?

7. Jaqen leyinakapat sipansa Diosan Reinopan leyinakapaw jukʼamp sumajja

Gobiernonakajja markachirinakar jarkʼaqañataki yanaptʼañatakiw leyinak apsupjje. Diosan Reinopajj leyinakanirakiwa, uka Reinomp apnaqatanakajj ukarjamaw sarnaqapjjañapa. 1 Corintios 6:9-11 liytʼasajja aka toqetwa parltʼapjjäta:

• Jaqenakajj Diosan leyinakaparjama sarnaqjjapjjani ukhajja, ¿aka oraqen jakasiñajj kunjamäpachänisa?

• Jehová Diosajja Reinopamp apnaqatäpki ukanakarojj leyinakap phoqapjjañapwa mayi, ¿ukham mayitapajj jumatak walikïskiti? ¿Kunatsa ukham amuyta?

• Diosan leyinakaparjam jan sarnaqapki ukanakajja, ¿cambiapjjaspawa sasajj kunatsa sissna? (1 Corintios 6:11 uñjjattʼapjjäta).

¿KUNSA YATEQAWAYTAN?

Diosan Reinopajj alajjpachankir mä gobiernowa, aka oraqjjaruw apnaqanirakini.

Amtañataki

• ¿Diosan Reinopan apnaqerinakajj khitinakäpjjesa?

• ¿Kunatsa Diosan Reinopajj jaqenakan gobiernonakapat sipansa jukʼamp sumajja?

• Diosan Reinopamp apnaqatäpki ukanakajja, ¿kunsa Jehová Diosan mayitanakaparjamajj lurapjjañapa?

JUKʼAMP YATJJATAÑAMATAKI

Diosan Reinopajj kawkinkiwa sasas Jesusajj yatichäna uk yatjjatam.

“¿Es el Reino de Dios algo que se lleva en el corazón?” (Artículo de jw.org)

Jehová Diosan Testigonakapajj aka oraqenkir gobiernonakar apoyañat sipansa Diosan Reinoparupuniw apoyapjje, kunatsa jupanakajj uk lurapjje uk yatjjatam.

Diosan Reinoparupuniw apoyapjje (1:43)

Jesusamp chika apnaqanipjjañapatakejja, Jehová Diosajj 144.000 jaqenakaruw ajlli. Kunsa Bibliajj uka toqet yatichi uk yatjjatam.

“¿Quiénes van al cielo?” (Artículo de jw.org)

Carcelan llawintatäkäna uka warmirojja, Diosakiw justicia aka oraqen utjayaspa sañatakejj kunas yanaptʼäna uk yatjjatam.

“Aprendí cómo se solucionarán las injusticias” (¡Despertad!, noviembre de 2011)

Diosan Reinopajj 1914 marat aksaruw alajjpachan apnaqañ qalltjje. Uka maranwa aka oraqenkir gobiernonakan qhepa urunakapajj qalltawayaraki. ¿Kunjamatsa uk yattanjja? Bibliajj uka toqet kuna profecianaksa qhanañchäna, ukatjja 1914 marat aksarojj oraqesa jaqenakas kunjamsa mayjtʼawayi uka toqenakatwa jichhajj yatjjataskañäni.

1. ¿Kuna profecias Biblian qellqatäjjäna?

Diosan Reinopajj “paqallqo tiemponak” pasjjepanwa apnaqjjani sasaw Daniel librojj qhanañchjjäna (Daniel 4:16, 17). Uka pachpa tiemponakat parlkasajja, Jesusajj ‘yaqha markanakar churat tiemponaka’ sasaw walja patak maranak qhepat sarakïna. Ukatjja uka tiemponakajj janïraw tukuskiti sasaw qhanañcharakïna (Lucas 21:24). Kunjamtï jichhajj yatjjatkañänejja, paqallqo tiemponakajj 1914 maranwa tukuyjjäna.

2. ¿Kunjamsa 1914 marat aksarojj aka oraqesa jaqenakas mayjtʼawayapjje?

Discipulonakapajj akham sasaw Jesusar jisktʼapjjäna: “¿Jumajj kuttʼankäta uka tiemposa akapachajj niya tukusiñampïskani ukhasa kuna señalas utjani?” sasa (Mateo 24:3). Uka jisktʼar qhanañchañatakejja, Jesusajj Diosan Reinopan Reyit uttʼayatäjjañapäna ukhajj kunanakas pasañapäna ukwa jupanakar säna. Sañäni, guerranakata, manqʼat pistʼañanakata, terremotonakatwa parläna (Mateo 24:7 liytʼäta). “Qhepa urunakanjja” jaqenakan jan wali luratanakapat “jan wali tiemponakaw utjani” sasaw Bibliajj qhanañcharakïna (2 Timoteo 3:1-5). 1914 marat aksarojja, aka oraqen jan walinak utjatapasa jaqenakan jan wali luratanakapas jukʼamp qhanaw amuyasjje.

3. Diosan Reinopajj apnaqañ qalltawayjje ukhat jichhakamajja, ¿kunatsa jan walinakajj jukʼamp jiljjattawayi?

Jesusajj Diosan Reinopan Reyit uttʼayatäjjäna ukhajja, alajjpachan mä guerraw utjäna, Jesusajj Supayampi demonionakampiw nuwasïna. Supayajj atipjataw uñjasïna, ukatjja “oraqer jaqoqanitänwa, angelanakapas jupamp chika jaqoqanitäpjjarakïnwa” sasaw Bibliajj qhanañchi (Apocalipsis 12:9, 10, 12). Supayajj jukʼa tiemponikïtap yatisajj wali coleratawa, ukatwa aka oraqpachan tʼaqesiñanak utjayaski. ¡Ukhamajj uka kawsaw aka oraqen sinti jan walinakajj utji! Ukampis taqe uka jan walinakjja, Diosan Reinopaw chhaqtayani.

JUKʼAMP YATJJATAÑÄNI

4. Biblian profecianakaparjamajj 1914 maranwa Diosan Reinopajj apnaqañ qalltjje

VIDEO: Diosan Reinopajj 1914 maranwa apnaqañ qallti (5:02)

Nabucodonosor reyejj Babilonia markan reyipänwa, Diosajj mä profecía yatiyañatakejj juparuw mä samka samkasiyäna. Nabucodonosoran uka samkapasa kuntï Danielajj uka samkat qhanañchkäna ukasa, Nabucodonosoran gobiernopata ukhamarak Diosan Reinopatwa parlaski (Daniel 4:17 liytʼapjjäta).a

Daniel 4:20-26 liytʼapjjäta. Ukatjja recuadro uñjjattʼasaw aka jisktʼanakar qhanañchapjjäta:

• A) ¿Kunsa Nabucodonosorajj samkapan uñjäna? (Daniel 4:20, 21 uñjjattʼapjjäta).

• B) ¿Kunas uka qoqarojj pasañapäna? (Daniel 4:23 uñjjattʼapjjäta).

• C) ¿Kunas “paqallqo tiemponak” qhepat pasañapäna? (Daniel 4:26 uñjjattʼapjjäta).

Nabucodonosorajj samkaskäna uka qoqampi Diosan Reinopampi

PROFECÍA (Daniel 4:20-36)

Apnaqäwi

A) Wali jachʼa mä qoqa

Reyïñatwa apaqasi

B) ‘Qoqa khuchunukusajj’ “paqallqo tiemponak” paspan

Reyit uttʼayatäjjewa

C) ‘Reinoman wasitatwa apnaqjjäta’

Nayrïr phoqasïwi:

• D) ¿Uka qoqajj khitimp sasïnsa? (Daniel 4:22 uñjjattʼapjjäta).

• E) ¿Kunapachas uka reyejj reinopat apaqatäjjäna? (Daniel 4:29-33 liytʼapjjäta).

• F) ¿Kunas “paqallqo tiemponak” tukuyatarojj pasäna? (Daniel 4:34-36 liytʼapjjäta).

NAYRÏR PHOQASÏWI

Apnaqäwi

D) Nabucodonosor, Babilonia markan reyipa

Reyïñatwa apaqasi

E) 606 antes de Cristo (a.C.) mara qhepatjja Nabucodonosorajj loqheptiwa, paqallqo maranakarakiw jan apnaqjjeti

Reyit uttʼayatäjjewa

F) Nabucodonosorajj walikëjjewa, mayampiw apnaqjjaraki

Payïr phoqasïwi:

• G) ¿Uka qoqajj khitinakampi sasïnsa? (1 Crónicas 29:23 liytʼapjjäta).

• H) ¿Kunapachas reyit jan apnaqjjapjjäna? Jesusajj aka oraqenkkäna ukhajja, ¿kunjamatsa uka reyinakan jan apnaqjjapjjatap yattanjja? (Lucas 21:24 liytʼapjjäta).

• I) ¿Kawkinsa ukat kunapachas uka Reinojj wasitamp apnaqjjäna?

PAYÏR PHOQASÏWI

Apnaqäwi

G) Israel markan reyinakapajj Diosan gobiernoparuw representapjjäna

Reyïñatwa apaqasi

H) Jerusalenajj 607 a.C. maranwa qʼala tukjatäjjäna, 2.520 maranakaw israelit reyinakajj jan apnaqjjapjjänti

Reyit uttʼayatäjjewa

I) 1914 maranjja Jesusaw Diosan Reinopan alajjpachan apnaqañ qalltjje

5. Aka oraqejj 1914 marat aksaruw mayjtʼawayi

VIDEO uñtapjjäta.

VIDEO: 1914 marat aksarojj aka oraqejj mayjtʼawayiwa (1:10)

Diosan Reinopajj apnaqañ qalltjjañapäna ukhajja, aka oraqejj kunjamäñapänsa ukwa Jesusajj säna. Lucas 21:9-11 liytʼasajja aka toqetwa parltʼapjjäta:

• Uka texton parlki uka profecianakatjja, ¿kawkïrsa jumajj phoqasir uñjawayta, jan ukajj kawkïrinakat parlirsa jaqenakarojj istʼta?

Aka oraqenkir gobiernonakan qhepa urunakapanjja, jaqenakajj kunjamäpjjañapänsa uka toqetwa apóstol Pablojj qhanañchäna. 2 Timoteo 3:1-5 liytʼasajja aka toqetwa parltʼapjjäta:

• Uka texton parlki ukarjamajja, ¿kawkïrinaksa phoqasir jumajj uñjawayta?

6. ¿Diosan Reinopan apnaqjjatap yatiñajj kun lurañatakis chʼamañchistu?

Mateo 24:3, 14 liytʼasajja aka toqetwa parltʼapjjäta:

• ¿Kuna luräwis Diosan Reinopajj apnaqjjatap uñachtʼayi?

• ¿Kunjamsa jumajj uka lurañan yanaptʼasma?

Diosan Reinopajj apnaqjjewa, niyaw aka oraqpachjjar apnaqarakini. Hebreos 10:24, 25 liytʼasajja aka toqetwa parltʼapjjäta:

• “Diosan urupajj jakʼankjjatap” yatisajja, ¿kunsa taqenejj lurañasäspa?

¿KUNSA YATEQAWAYTAN?

Biblian profecianakapasa, kunanakatï aka oraqpachan pasaski ukanakas Diosan Reinopajj apnaqjjatapwa uñachtʼayistu. Ukar creyitasjja uka Reinot yatiyasa, tantachäwinakar sarasaw uñachtʼaytanjja.

Amtañataki

• Daniel profetajj paqallqo tiemponakat arskäna uka tukuyarojja, ¿kunas pasäna?

• Diosan Reinopajj 1914 maranwa apnaqañ qalltjje sasajja, ¿kunatsa jumajj sasma?

• ¿Kunjamanakatsa Diosan Reinopan apnaqjjatap uñachtʼayasma?

JUKʼAMP YATJJATAÑAMATAKI

1914 marat aksarojja kunjamsa aka oraqejj mayjtʼawayi uka toqet yatjjatatanakasa, historia toqet yatjjatatanakas kamsapjjesa uk yatjjatam.

“La era en que los valores decayeron radicalmente” (¡Despertad!, abril de 2007)

Mateo 24:14 texton qellqatäki uka profeciajj kunjamsa mä chacharojj yanaptʼäna uk yatjjatam.

“Béisbol anatañakiw nayatak nayrankäna” (Yatiyañataki kimsïri 2017)

¿Kunatsa Daniel 4 capitulon utjki uka profeciajj Diosan Reinopatwa parli sasin sistanjja?

“¿Kunapachas Diosan Reinopajj apnaqañ qalltjje? (Nayrïri)” (Yatiyañataki octubre 1, 2014)

Daniel 4 capitulon parlki uka ‘paqallqo tiemponakajja’, ¿kunatsa 1914 maranwa tukuyjje sasin sistanjja?

“¿Kunapachas Diosan Reinopajj apnaqañ qalltjje? (Payïri)” (Yatiyañataki noviembre 1, 2014)

Diosan Reinopajj apnaqjjewa, niyaw aka oraqen kunayman cambionak utjayarakini. Diosan Reinopajj kunanaksa lurani ukanakat mä qhawqhanak yatjjatañäni, ukanakajj jutir urunak kusisit suytʼañatakiw yanaptʼistani.

1. Sumankañ utjañapatakisa taqenir cheqapar uñjasiñapatakisa, ¿kunsa Diosan Reinopajj lurani?

Armagedón guerranjja, Diosan Reinopan Reyipjamajj Jesusaw jan wali jaqenakampiru gobiernonakampir chhaqtayani (Apocalipsis 16:14, 16). Uka tiempotakejja Biblian aka promesapaw phoqasini: “Mä jukʼa tiempotjja jan wali jaqenakajj janiw utj-jjaniti” (Salmo 37:10). Jesusajj Diosan Reinop toqew aka oraqen sumankañ utjañapatakisa, taqenir cheqapar uñjasiñapatakis yanaptʼani (Isaías 11:4 liytʼäta).

2. Diosan amtapajj phoqasjjani ukhajja, ¿kunjamsa aka oraqen jakasjjañäni?

Diosan Reinopajj apnaqjjani ukhajja, ‘cheqap sarnaqer jaqenakajj oraq katoqapjjani, wiñayatakiw ukan jakapjjarakini’ (Salmo 37:29). Ukatjja taqeniw suma jaqenakäjjapjjani, Jehová Diosarus wal munasipjjani, maynit maynikamas munasiñampiw uñjasipjjarakini. ¡Ukhaman jakasiñajj wali sumapunïniwa! Janiw khitis usuntjjaniti, taqenirakiw wiñayatak jakasjjapjjani.

3. Jan wali jaqenakar chhaqtayasajja, ¿kunsa Diosan Reinopajj lurani?

Jan wali jaqenakar tukjasajja, Jesusajj 1.000 maranakaw Reyit apnaqani. Uka tiemponjja, Jesusampi 144.000 ajllitanakampejj juchan esclavopäñatwa jaqenakarojj salvapjjani, perfectöpjjañapatakis jaqenakar yanaptʼapjjarakiniwa. 1.000 maranakajj tukusjjani ukhajja, aka oraqejj mä suma paraisöjjaniwa, Jehová Diosan leyinakaparjam sarnaqeri, kusisit jakasiri jaqenakamp phoqantatarakïniwa. Ukatjja Jesusajj Jehová Dios Awkiparuw gobiernop kuttʼayjjani, Diosan sutipajj jukʼamp jachʼañchatarakïniwa (Mateo 6:9, 10). Uka tiempotakejja Jehová Diosan wali suma apnaqerïtapasa, markapar sum cuidatapas qhanaw amuyasjjarakini. Uka qhepatjja Jehová Diosajj Supayampiru, demonionakampiru ukhamarak khitinakatï Supay toqet saytʼasipki ukanakampiruw tukjani (Apocalipsis 20:7-10). Diosan Reinopajj kunanaktï lurkani ukanakajj wiñayatakïniwa.

JUKʼAMP YATJJATAÑÄNI

4. Diosan Reinopaw gobiernonak tukjani

“Jaqejja pachpa jan waltʼäwipatakiw jaqerojj apnaqe” (Eclesiastés 8:9). Jehová Diosajja, Reinop toqew kuna jan walinakatï utjki ukanak askichani.

Daniel 2:44; 2 Tesalonicenses 1:6-8 liytʼasajja aka toqetwa parltʼapjjäta:

• Gobiernonakarusa uka gobiernonakar apoyiri jaqenakarusa, ¿kunsa Jehová Diosampi Jesús Yoqapampejj lurapjjani?

• Jehová Diosasa Jesusasa cheqaparjama, jan khitirus yaqhachasaw jutïrin taqe kuns lurapjjani, ¿kunatsa ukham sistanjja?

5. Jesusajj wali suma Reyiwa

Diosan Reinopan Reyipjamajja, Jesusajj kunaymaninakatwa aka oraqen jakirinakarojj yanaptʼani. Jesusajj jaqenakar yanaptʼañ munatapsa, jupanakar yanaptʼañapatak Diosajj chʼam churatapsa kunjamanakatsa uñachtʼayäna uk yatiñatakejja VIDEO uñtapjjäta.

VIDEO: Diosan Reinopajj kunanaksa lurani ukwa Jesusajj uñachtʼayäna (1:13)

Jesusajj aka oraqenkkasajj kunanaktï lurkäna ukanakajja, Diosan Reinopajj kunanaktï lurkani ukwa uñachtʼayi. Aka aynachan uñstki uka promesanakatjja, ¿kawkïrinaksa jumajj phoqasir wal uñjañ munta? Uka promesanakajj kawkïr textonakankisa taqe ukanakwa liytʼapjjäta.

6. Diosan Reinopajj jutïrin sum jakasiñatakiw yanaptʼistani

VIDEO: Jutïrin wali sumaw jakasjjañäni (4:38)

Salmo 145:16 liytʼasajja aka toqetwa parltʼapjjäta:

• ‘Kunanaktï taqe jakirinakajj munapkani’ ukanakwa Jehová Diosajj jupanakar churani, ¿uk yatiñajj jumatak kunjamakisa?

¿KUNSA YATEQAWAYTAN?

Diosajj amtanakap Reinop toqew phoqani. Uka Reinojja mä suma paraisoruw oraqpach tukuyani, ukanjja Jehová Diosar adoriri jaqenakaw wiñayatak jakapjjani.

Amtañataki

• Diosan Jehová sutip jachʼañchañatakejja, ¿kunsa Diosan Reinopajj lurani?

• ¿Diosan Reinopaw Biblian qellqatäki uka promesanak phoqani sasajj kunatsa sissna?

• Diosan Reinopajj kunanaktï lurkani ukanakatjja, ¿kawkïrsa jumajj uñjañ wal munta?

JUKʼAMP YATJJATAÑAMATAKI

Armagedonajj kunasa uk yatjjatam.

“¿Qué es el Armagedón?” (Artículo de jw.org)

“Jachʼa tʼaqesiñ tiempow jutani” sasaw Jesusajj arsüna, uka urun kunanakas paspachäni uk yatjjatam (Mateo 24:21).

“¿Qué es la gran tribulación?” (Artículo de jw.org)

Paraison kunjamsa jakasipjjani uka toqet kunanaksa mä familiajj amuytʼasipki uk videon uñtam.

Paraisonkkasmas ukham amuytʼasim (1:50)

Chʼajjwañ muniri mä chachajj kunjamsa kuntï thaqkäna uk jikjjatäna uk yatiñatakejja, “Me inquietaban muchas preguntas” siski uka cheqanwa liytʼäta.

“La Biblia les cambió la vida” (La Atalaya, 1 de enero de 2012)