¿Wakichtʼatäjjti?
¿Congregacionamp predicañatakejj wakichtʼatäjjti?
Jan bautisat publicadorañatak wakichtʼatäjjtati janicha uk yatiñatakejj akanakaw yanaptʼiristam:
¿Bibliat yatjjatañatakejj tiemp apstʼastati, Diosarojj orastati, congregacionan tantachäwinakapatsa janirakit faltaskta?
¿Kuntï yateqkta ukarojj creytati, wali valoranitti uñjarakta, yaqhanakarus uka toqet parlañ munaraktati?
¿Jehová Diosarojj munastati, jupar munasipki ukanakampis chikachasiraktati?
¿Politicar apoyiri organizacionanakatsa falso religionatsa mistjjtati?
¿Diosan mayitanakaparjamat sarnaqta, Jehová Diosan Testigopäñsa munaraktati?
Jumatï congregacionamp predicañatak wakichtʼatäjjatam amuyassta ukhajja, Bibliat yatichirimaw ancianonakar yatiyjjani, jupanakaw publicadorañatakejj mayitanak (jan ukajj requisitonak) phoqtati janicha uk yatiñatakejj jumamp tantachasipjjani.
¿Bautisasiñatakejj wakichtʼatäjjti?
Bautisasiñatak wakichtʼatäjjtati janicha uk yatiñatakejj akanakaw yanaptʼiristam:
¿Jan bautisat publicadoräjjtati?
¿Sapa ratot qhawqtï puedkta ukarjam predicta?
¿‘Suma phoqeri amuyasir esclavorojj’ taqe chuymat apoyta, kuntï maykistu ukarjamat sarnaqarakta? (Mateo 24:45-47).
¿Jehová Diosar jakañ vidam mä oracionan katuyasjjtati, juparus wiñayatakit serviñ munarakta?
Jumatï bautisasiñatak wakichtʼatäjjatam amuyassta ukhajja, Bibliat yatichirimaw ancianonakar yatiyjjani, jupanakaw bautisasiñatakejj mayitanak (jan ukajj requisitonak) phoqtati janicha uk yatiñatakejj jumamp tantachasipjjani.