Taqe kunansa honradöñasawa

Jaqenakajja amigonakapajj honradöpjjaspa ukwa munapjje, Jehová Diosajj ukwa amigonakapat suyaraki. Akapachajj yaqhanakar engañjir jaqenakampi phoqantatawa, ukatwa honradöñajj chʼamakïspa. Ukampis taqe kunan honradöñajj walja toqenakanwa yanaptʼistaspa.

1. ¿Kunatsa honradöñajj wali importantejja?

Taqe horasan honradötan ukhajja Jehová Diosar munasitasa, jupar respetompi uñjataswa uñachtʼaytanjja. Ak amtañasapuniwa, kuntï piensktan kuntï lurasktan ukanakjja Jehová Diosajj sum yati (Hebreos 4:13). Jiwasajj honradöñ amtktan ukhajja Diosaruw kusisiytanjja, honradötas wali valoranitwa jupajj uñjaraki. Diosan Arupajj akham siwa: “Engañjir jaqenakatjja Jehová Diosajj ajjtasiwa, ukampis cheqap sarnaqer jaqenakan suma amigopawa” sasa (Proverbios 3:32).

2. ¿Kuna toqenakansa sapürojj honradöñasa?

Jehová Diosajj ‘maynit maynikamajj cheq parlañaswa muni’ (Zacarías 8:16, 17). ¿Ukajj kamsañsa muni? Familiaranakampi, trabajonkir compañeronakampi, congregacionankir jilat kullakanakampi jan ukajj autoridadanakampi parlktan ukhajja, janiw kʼarisktanti ni engañjkaraktansa. Honrado jaqenakajja, janiw lunthatasipkiti ni engañjapkisa (Proverbios 24:28 ukat Efesios 4:28 liytʼäta). Ukatjja impuestonaksa pagapjjarakiwa (Romanos 13:5-7). Ukanakansa yaqha ukhamanakansa, ‘taqe kunanwa honrado chuymampi sarnaqañ muntanjja’ (Hebreos 13:18).

3. ¿Kunjamanakatsa honradöñajj yanaptʼistu?

Honrado jaqet uñtʼayastan ukhajja, mayninakajj jiwasar confiyapjjestuwa. Maysa toqetjja, mä familiar uñtataw congregacionan confianza utjañapatakisa jan ajjsarañ utjañapatakis yanaptʼtanjja. Ukatjja suma conciencianirakïtanwa. Honradöktan ukhajja, ‘jiwasar Salviri Diosan yatichäwiparojj kunayman toqet wali sum kʼachachtʼtanjjaʼ. Ukham luratasatwa yaqhanakajj Jehová Diosar serviñ munapjjarakispa (Tito 2:10).

JUKʼAMP YATJJATAÑÄNI

4. Jehová Diosajj honrado jaqenakarojj munasiwa

Salmo 44:21; Malaquías 3:16 liytʼasajja aka toqetwa parltʼapjjäta:

• ¿Kʼarisitaj janiw khitis yatkiti sasin amuyañajj walikïskaspati? ¿Kunatsa ukham amuyta?

• Chʼamäki ukhas kunatï cheqäki ukpun arsuñ amtktan ukhajja, ¿kunjamsa Jehová Diosajj jikjjataspacha?

5. Taqe horasansa honradöñatak chʼamachasipjjañäni

VIDEO: ¿Kunas kusisitäñatakejj yanaptʼistaspa? Suma conciencianïña (2:32)

Hebreos 13:18 liytʼasajja aka toqetwa parltʼapjjäta:

• ¿Kunjamsa familia taypin honradösna?

• ¿Kunjamsa trabajonsa jan ukajj escuelansa honradösna?

• ¿Kunjamsa yaqha horasanakan honradösna?

6. Honradöñajj yanaptʼistuwa

Honradösajj inas jan walinakan uñjaschiñäni, ukampis honrado jaqëñaw jukʼamp sumajja. Salmo 34:12-16 liytʼasajja aka toqetwa parltʼapjjäta:

• ¿Kunjamsa honradöñajj vidasan yanaptʼistaspa?

1. Kunapachatï chacha warmejj honradöpki ukhajja, jukʼamp sumaw jakasipjje.

2. Trabajopan maynejj honradöki ukhajja, jefepajj juparojj confiyiwa.

3. Markankirinakajj honradöpki ukhajja, autoridadanakajj suma jaqetwa jupanakarojj uñtʼapjje.

¿KUNSA YATEQAWAYTAN?

Jehová Diosajja, amigonakapajj parlatapansa luratanakapansa honradöpjjaspa ukwa muni.

Amtañataki

• ¿Kunanakansa honradöñasa?

• ¿Kʼarisitaj janiw khitis yatkiti sasin amuyañajj kunatsa jan walïki?

• ¿Taqe horasan honradöñatakejj kuna razonanakas utjtamjja?

JUKʼAMP YATJJATAÑAMATAKI

¿Kunjamsa awk taykanakajj wawanakapar honradöñ yatichapjjaspa?

Kunatï cheqäki ukpun parlam (1:44)

¿Promesanakap phoqapki ukanakajj kuna bendicionanaksa katoqapjjani?

Promesanakam phoqäta ukhajj bendicionanakwa katoqäta (9:09)

Impuestonakajj jan walis apnaqaskchi ukhajja, pagañajj wakisiskakiti janicha uk yatjjatam.

“¿Debe usted pagar impuestos?” (La Atalaya, 1 de septiembre de 2011)

Engañompi qollqe apaqeri mä jaqerojj kunas honradöñatak yanaptʼäna uk yatjjatam.

“Diosajj munasiri, perdonasiriwa uk yateqawayta” (Yatiyañataki mayo 1, 2015)