Arknaqat uñjasiña
¿Kunatsa cristianonakajj arknaqat uñjasipjjañapa?
Arknaqat uñjaskañäni ukhajja, ¿kunatsa Jehová Diosan yanaptʼap thaqañasa?
Sl 55:22; 2Co 12:9, 10; 2Ti 4:16-18; Heb 13:6
Bibliankir aka sarnaqäwinakaw yanaptʼistaspa:
1Re 19:1-18. Elías profetajj arknaqat uñjasïna ukhajja, kunjamas jikjjatasïna ukwa Jehová Diosar yatiyäna, ukhamatwa chʼamañchtʼata chuymachtʼat jikjjatasjjäna.
Hch 7:9-15. Joseajj jilanakapamp jan waltʼayat uñjasïna ukhajja, Jehová Diosaw jupar yanaptʼaskäna, janipuniw jaytanukkänti, ukatjja jupa toqew Diosajj familiapar salvarakïna.
¿Kunjam toqenakansa jan waltʼayat uñjassna?
Mayninakajj arsutanakapampiw jan waltʼayapjjestaspa
2Cr 36:16; Mt 5:11; Hch 19:9; 1Pe 4:4
Bibliankir aka sarnaqäwinakaw yanaptʼistaspa:
2Re 18:17-35. Asiria reyin khitatäkäna uka rabsaqué chachajja, Jehová Dios contraw jan walinak parläna, Jerusalenankir jaqenakatsa burlasirakïnwa.
Lu 22:63-65; 23:35-37. Jesusajj katuntatäkäna ukhasa, mä lawar warkkatatäkäna ukhasa, uñisirinakapajj jan wali arunakampiw jupar toqenoqapjjäna ukat wal burlasipjjarakïna.
Familiamp jan waltʼayataw uñjassna
Autoridadanak nayraqatar apataw uñjassna
Nuwjataw uñjassna
Jan wali jaqenakamp jan waltʼayataw uñjassna
Jiwayataw uñjassna
Arknaqat uñjasisajja, ¿kunsa cristianonakajj lurapjjañapa?
Mt 5:44; Hch 16:25; 1Co 4:12, 13; 1Pe 2:23
Bibliankir aka sarnaqäwinakaw yanaptʼistaspa:
Hch 7:57-8:1. Estebanajj jan wali jaqenakamp nuwjatäsin niya jiwañampïskäna ukhajja, uñisirinakapat khuyaptʼayasiñapatakiw Diosar mayïna. Uka uñisirinakapat maynïrejj Saulo satänwa.
Hch 16:22-34. Apóstol Pablorojj nuwjasaw kayunakap mä cepor achuntayapjjäna, ukhamäkchïnsa Pablojj cárcel uñjirit khuyaptʼayasïnwa, ukham luratapat cárcel uñjirisa familiapasa Diosaruw adorjjapjjäna.
Nayrïr patak maranakan jakir yaqhep cristianonakarojj ¿kunas pasäna?
¿Kunsa arknaqat uñjasisajj lurañasa?
Arknaqat uñjasktan ukhajja, ¿kunjamsa kuntï jutïrin katoqkañäni uka toqet lupʼiñajj yanaptʼistaspa?
Jan waltʼayañatak arknaqapkistu ukanakarojj ¿kunatsa jan ajjsarañasäki? Ukat ¿kunatsa Jehová Diosar serviskakiñatakejj chʼamachasiñasa?
Sl 56:1-4; Hch 4:18-20; 2Ti 1:8, 12
Bibliankir aka sarnaqäwinakaw yanaptʼistaspa:
2Cr 32:1-22. Senaquerib reyimp amenazat uñjasïna ukhajja, Ezequías reyejj Jehová Diosampiw yanaptʼayasïna, Diosan markaparus chʼamañchtʼarakïnwa. Diosar confiyatapatjja jupajj bendicionwa katoqäna.
Heb 12:1-3. Uñisirinakapajj jiskʼachañwa Jesusar munapjjäna, ukampis jupajj janiw kunäkipans ukanakamp aynachtʼkänti.
¿Kuna sumanakas arknaqata uñjasitasat utjaspa?
Jan waltʼäwinak aguantasajj Jehová Diosaruw kusisiytanjja, sutips jachʼañcharaktanwa
Bibliankir aka sarnaqäwinakaw yanaptʼistaspa:
Job 1:6-22; 2:1-10. Job chachajj Supay kawsa tʼaqesitap janiw yatkänti, ukampis janipuniw Jehová Dios contrajj saytʼkänti. Ukhamatwa Jehová Diosarojj jachʼañchäna, Supayan kʼarisitaps qhanstayarakïnwa.
Da 1:6, 7; 3:8-30. Hananías, Misael ukat Azarías (Sadrac, Mesac ukat Abednego) kimsa hebreonakajja, janipuniw kunäkipansa Jehová Diosat jitheqtapkänti. Ukham lurapjjatapatjja, Nabucodonosor reyejj Jehová Diosaruw taqenin uñjkat jachʼañchäna.
Arknaqat uñjastan ukhajja, jukʼamp jaqenakaw Jehová Diosar uñtʼapjje
Bibliankir aka sarnaqäwinakaw yanaptʼistaspa:
Hch 11:19-21. Arknaqat uñjasipjjatap laykojja cristianonakajj taqe cheqaruw sarjjapjjäna, ukhamatwa suma yatiyäwinakajj walja cheqanakan yatiyasjjäna.
Flp 1:12, 13. Apóstol Pablon carcelan jistʼantatätap laykojja, walja jaqenakaw suma yatiyäwinak istʼapjjäna. Uk yatisajj apóstol Pablojj wali kusisitaw jikjjatasïna.
Arknaqatäsin aguantktan ukhajja, jilat kullakanakasaruw chʼamañchtʼtanjja
Kʼari religionanakasa politiconakasa, ¿kunjamsa sapa kuti jan waltʼayañatakejj Diosan servirinakapar arknaqapjje?
Jer 26:11; Mr 3:6; Jn 11:47, 48, 53; Hch 25:1-3
Bibliankir aka sarnaqäwinakaw yanaptʼistaspa:
Hch 19:24-29. Cheqpach cristianonakajja idolonakar adorañajj kunatsa jan walïki ukwa qhanstayapjjäna, ukham lurapjjatapajj ‘qollqe metalat Ártemis diosan templopar uñtasit jiskʼa templonak lurapkäna’ ukanakan negocionakaparuw jan waltʼayäna, ukatwa jupanakajj arknaqat uñjasipjjäna.
Gál 1:13, 14. Apóstol Pablojj janïr cristianökäna ukhajja, judionakan religionapat taqe chuyma saytʼasir jaqënwa, ukatwa Jesusan arkirinakaparojj jan sinttʼasis arknaqäna.