Trabajo
Trabajompi kusisiñampejj ¿kunansa niya pachpakïpjje?
Jiwasatï trabajos sum lurtʼir jaqëñäni ukhajja, ¿kunanaksa jikjjatañäni?
Bibliankir aka sarnaqäwinakaw yanaptʼistaspa:
1Sa 16:16-23. Davidajj waynatpachaw arpa sum tuktʼañ yatïna, ukatwa jupajj Israelan reyipatak arpa tukarapïna, ukhamat reyejj sumak jikjjatasiñapataki.
2Cr 2:13, 14. Hiram-Abí chachajj wali yatjjattʼat mä artesano jaqënwa, ukatwa Salomón reyejj templo lurañan yanaptʼañapatak jupar ajllïna.
Jehová Diosan servirinakapajja, ¿kunjam trabajtʼir jaqenakäpjjañapasa?
Bibliankir aka sarnaqäwinakaw yanaptʼistaspa:
Gé 24:10-21. Abrahán chachan serviripajj kuntï maykäna ukat sipansa Rebecajj jukʼampwa luräna, ukhamatwa jupajj wali trabajtʼirïtapa taqe chuym yanaptʼasirïtap uñachtʼayäna.
Flp 2:19-23. Apóstol Pablojja Timoteo waynarojj wali wakiskir mä luräwi churäna, kuna laykutejj uka waynajj humilde chuymani taqe chuyma trabajtʼiri ukhamänwa.
¿Kunatsa Diosan servirinakapajj jan jayräñasäki?
Pr 13:4; 18:9; 21:25, 26; Ec 10:18
Bibliankir aka sarnaqäwiw yanaptʼistaspa:
Pr 6:6-11. Kunatsa wali trabajtʼirïñajj wakisi, kunatsa jan jayräñasäki uk qhanañchañatakejja, Salomón reyejj kʼisimiranakatwa (jan ukajj hormiganakatwa) parläna.
Kunatï jakañatak munaski ukanakanïñatakejja, ¿kunatsa wal trabajiñajj wakisi?
¿Kunatsa familiasar manteniñatakejj wal trabajiñasa?
Bibliankir aka sarnaqäwinakaw yanaptʼistaspa:
Rut 1:16, 17; 2:2, 3, 6, 7, 17, 18. Rut viuda tawaqojja Noemí suegrapar manteniñatakejj wal trabajïna.
Mt 15:4-9. Khitinakatï ‘awk taykajar yanaptʼañatak utjkitu ukanakajj Diosar katuyatäjjewa’ sasin sapkäna ukanakarojja, Jesusajj cheqañchänwa.
Wal trabajtʼasin ganasktan ukanakjja, ¿kunatsa mayninakamp compartiñasa?
¿Qollqe ganañarojj kunjamsa uñjañasa?
Jehová Diosajj wali suma trabajtʼirïñaswa muni, jakañatak kunanakatï wakiski uks churarakistaniwa, ¿kunjamatsa uk yattanjja?
Mt 6:25, 30-32; Lu 11:2, 3; 2Co 9:10
Bibliankir aka sarnaqäwinakaw yanaptʼistaspa:
Gé 31:3-13. Labán chachajja jupatak trabajiri Jacob tollqaparojj janiw sum uñjkänti, ukampis Jehová Diosajj Jacob chachan wali trabajtʼirïtap sum uñjaskäna, ukatwa juparojj bendisïna.
Gé 39:1-6, 20-23. José waynajj Potifar chachan utapankkäna ukhasa carcelan jistʼantatäkäna ukhasa, kunanaktï Joseajj lurkäna ukarojj Jehová Diosajj bendisïnwa.
Diosar taqe chuyma serviñat sipansa, ¿kunatsa trabajosajj jan jukʼamp importantëñapäki?
Bibliankir aka sarnaqäwinakaw yanaptʼistaspa:
Lu 12:15-21. Diosar jukʼamp jakʼachasiñat sipansa, kunatsa qollqe jukʼamp ganañar uchasiñajj jan walïki uk qhanañchañatakejja, Jesusajj mä uñachtʼäwitwa parläna.
1Ti 6:17-19. Khitinakatï wali qollqenïpkäna uka cristianonakarojja, kunatsa mayninakat sipans wali jilankapkaspas ukham jan amuyasipjjañapäki, kunatsa ‘suma luräwinakan qamirïpjjañapatak’ chʼamachasipjjañapa uka toqenakatwa Pablojj ewjjtʼäna.
Mä trabajo ajlliskasajja, ¿Biblian kawkïr yatichäwinakapas suma amtar puriñatakejj yanaptʼistaspa?
Éx 20:4; Hch 15:29; Ef 4:28; Ap 21:8. ¿Diosan leyinakap conträki ukti trabajojan lurañajani?
Éx 21:22-24; Is 2:4; 1Co 6:9, 10; 2Co 7:1. ¿Diosajj uñiski ukanak lurañatakit trabajojajj mayninakar chʼamañchani? ¿Kunatï jan walïki uk lurañatakit trabajojajj nayar chʼamañchitani?
Ro 13:1-7; Tit 3:1, 2. ¿Gobiernon leyip conträki ukti trabajojan lurañajani?
2Co 6:14-16; Ap 18:2, 4. ¿Falso religionanakar apoyatajti aka trabajompejj uñachtʼayäjja?
Jehová Diosatak trabajiña
¿Cristianonakajj kuna wakiskir trabajonïtansa?
¿Kunatsa Jehová Diosarojj kunatï sumäki uk churañatakejj chʼamachastanjja?
Lu 13:24; Ro 12:11; 1Co 15:58; Heb 6:10-12
1Ti 3:1 uñjjattʼarakïta.
Jehová Diosajj janiw servirinakaparojj comparkiti, ¿kunjamatsa ukhamätap yattanjja?
Bibliankir aka sarnaqäwinakaw yanaptʼistaspa:
Mt 25:14, 15. Jesusajj parlkäna uka sarnaqäwirjamajja, sapa mayni discipulonakapajj qhawqsa luraspa ukarjamaw Jesusajj lurañanak churi.
Lu 21:2-4. Mä pobre viuda warmejj jukʼaksa qollqe uchañ cajar uchkchïnjja, Diosatakejj qhawqha valoranïnsa ukwa Jesusajj qhanstayäna.
Jehová Diosar serviñatak luräwinak katoqktan ukhajja, ¿khitis uka lurañamp phoqañatak yanaptʼaskistu?
2Co 4:7; Ef 3:20, 21; Flp 4:13
Bibliankir aka sarnaqäwiw yanaptʼistaspa:
2Ti 4:17. Apóstol Pablojja ‘Tatituw nayamp chikäskänjja, juparakiw wal chʼamañchtʼitäna, ukhamat suma yatiyäwinakajj phoqatpach yatiyasiñapataki’ sasaw säna.