Qollqe
¿Kunatsa qollqe wal munañajj jan walïki?
“Qollqe chuymäña” sat yatichäwi uñjjattʼäta.
Diosan servirinakapajj familiapar manteniñatakejj trabajipjjañapawa, ¿kunjamatsa uk yattanjja?
Ec 7:12; 10:19; Ef 4:28; 2Te 3:10; 1Ti 5:8, 18
Bibliankir aka sarnaqäwinakaw yanaptʼistaspa:
Gé 31:38-42. Labán suegropamp engañjatpachasa, Jacob chachajj taqe chuymaw familiapar manteniñatakejj trabajïna, ukham luratapat Jehová Diosajj bendisïnwa.
Lu 19:12, 13, 15-23. Jesusajj parlkäna uka sarnaqäwejja, jukʼamp qollqe ganañatakejj kunanaksa jaqenakajj nayra tiempon lurapjjerïna ukwa uñachtʼayistu.
Qollqe maytʼasiñ toqetjja, ¿Biblian kawkïr wiñay yatichäwinakapas suma amtar puriñatakejj yanaptʼistaspa?
¿Qollqe jan kuna razonat maytʼasiñajj kunatsa jan walïki?
Bibliankir aka sarnaqäwinakaw yanaptʼistaspa:
Ne 5:2-8. Nehemías tiempon jakir yaqhep israelitanakajja, khitinakarutï qollqe maytʼapkäna ukanakarojj jukʼamp interesanakwa mayipjjäna.
Mt 18:23-25. Jesusajj parlkäna uka uñachtʼäwirjamajja, khitinakatï maytʼasis qollqe jan kuttʼayapki ukanakajj castigataw uñjasipjjaspa.
Mä familiarasampi, jan ukajj mä Testigompi, jan ukajj Diosar jan servirimpi mä negocio janïr lurkasajja, ¿kuna toqenakatsa wal amuytʼasiñasa?
Bibliankir aka sarnaqäwinakaw yanaptʼistaspa:
Gé 23:14-20. Abrahán chachajj Sara esposapar imtʼañatak Macpelá oraqenkir qollu pʼiya alkäna ukhajja, Het chachan yoqanakapan uñjkataw Efrón chacharojj qollqe churäna, ukhamat jutïrin jan walinakajj jan utjañapataki.
Jer 32:9-12. Jeremías profetajj primopat mä oraqe alkäna ukhajja, jupajj mä documentompi uka documenton copiapampwa luräna, qollqsa jaqenakan uñjkataw churarakïna.