Wawanaka; wayn tawaqonaka
Diosajj wawanakar wali sum uñji
¿Jehová Diosatakejj wawanakasa wayn tawaqonakas qhawqha valoranïpjjesa?
Dt 6:6, 7; 14:28, 29; Sl 110:3; 127:3-5; 128:3, 4; Snt 1:27
Job 29:12; Sl 27:10; Pr 17:6 uñjjattʼarakïta.
“Familia” sat yatichäwi uñjjattʼarakïta.
Bibliankir aka sarnaqäwinakaw yanaptʼistaspa:
Gé 1:27, 28. Jehová Diosajj jaqenakan walja wawanakanïpjjañapa ukhamarak oraqpach phoqantapjjañapwa munäna.
Gé 9:1. Uma juicio qhepatjja, Noé chachampiru yoqanakapampirojj ‘oraq phoqantapjjam’ sasaw Diosajj säna.
Gé 33:5. Diosar taqe chuyma serviri Jacob chachatakejja, wawanakapajj Diosan mä bendicionapänwa.
Mr 10:13-16. Jesusajj Awkipjamarakiw wawanakar wal munasi.
Wawanakar abusapjje tʼaqesiyapjje uka jaqenakarojja, ¿kunjamsa Jehová Diosajj uñji?
Wawanakajj janiw jilïr jaqenakjamajj lurañanak phoqapkaspati, ¿Biblian kawkïr textonakapas ukhamätap uñachtʼayi?
Bibliankir aka sarnaqäwiw yanaptʼistaspa:
Gé 33:12-14. Jacobojja wawanakapan pisi chʼamanïpjjatapwa amuyäna, wawanakapan jan jilïr jaqenakjamäpjjataps amuyarakïnwa.
¿Wawanakan tʼaqesipjjatapat Diosat juchanïpacha?
Jehová Diosajj wayn tawaqonakana ukhamarak jilïr jaqenakan tʼaqesitanakap niyaw chhaqtayani, ¿kunas ukhamätap uñachtʼayi?
Awk taykasatï jan wal sarnaqawayapjjchi jan ukajj jan wal lurawayapjjchistu ukhajja, ¿janis valoranïksna ukhamti amuyañasäspa? Jan ukajj ¿jupanakjam jan wali jaqëñajawa sasincha amuyañasäspa?
Dt 30:15, 16 uñjjattʼarakïta.
Bibliankir aka sarnaqäwinakaw yanaptʼistaspa:
2Re 18:1-7; 2Cr 28:1-4. Ezequiasan tatapajj jan wali jaqënwa, yaqhep wawanakaparus jiwarayarakïnwa. Ukhamäkchïnsa Ezequías reyejj suma chuymanïnwa, Jehová Diosarus jan jitheqtasaw servirakïna.
2Re 21:19-26; 22:1, 2. Josiasan Amón tatapajj jan wali jaqëkchïnsa, Josiasajj suma reyïnwa.
1Co 10:11, 12. Yaqhanakan pantjasitanakapat yateqañajja, jan walinakar jan purtʼasiñatakiw yanaptʼistaspa sasaw Pablojj qhanañchäna.
Flp 2:12, 13. Apóstol Pablojj salvasiñatakejj sapa mayniw chʼamachasiñapa sasaw arsuwayi.
Wawanakasa wayn tawaqonakas kunayman lurañanakampiw phoqapjje
Kawkïr wawanakatï Diosar servir papitupampi jan ukajj mamitapamp jakki ukanakarojja, ¿kunjamsa Jehová Diosajj uñji?
Awk taykanakatï Diosamp sum apasipjjchi ukhajja, ¿wawanakapajj jan kun lurasakit Diosamp sum apasipjjarakispa?
Bibliankir aka sarnaqäwinakaw yanaptʼistaspa:
Le 10:1-3, 8, 9. Aarón jachʼa jilïr sacerdoten yoqanakapajj jiwayataw uñjasipjjäna; jupanakajj inas machantasipjjatap layku jiwayat uñjasipjjchïna.
1Sa 8:1-5. Samuelojj cheqapar sarnaqer profetäkchïnsa, yoqanakapajj jan wali jaqenakäpjjänwa.
Diosamp sum uñjatäñatakejj ¿kunsa wawanakajj lurapjjañapa?
¿Kunatsa wawanakajj tantachäwinakar sarapjjañapa?
Bibliankir aka sarnaqäwiw yanaptʼistaspa:
Mt 15:32-38. Jesusar istʼapkäna uka jaqenak taypinjja wawanakaw utjarakïna.
Jehová Diosajj wawanakan jupar adorapjjañapwa muni, ¿kunjamatsa uk yattanjja?
Bibliankir aka sarnaqäwinakaw yanaptʼistaspa:
1Sa 17:4, 8-10, 41, 42, 45-51. Davidajj waynitüskäna ukhajja, Jehová Diosajj jupa toqew jachʼa Goliatar jiwayäna, ukhamat sutip arjjatañataki.
2Re 5:1-15. Jehová Diosajj mä israelita jiskʼa imill toqew Naamán chachar yanaptʼäna, ukhamatwa uka chachajj cheqpach Diosar uñtʼäna. Naamán chachajj Siria oraq apnaqeri reyin ejercitopan pʼeqtʼiripänwa.
Mt 21:15, 16. Jesusajj jupar respetiri wawanakarojj wali valoranitwa uñjäna.
Diosar jan adoriri awk taykanakan wawanakaparojja, ¿kunjamsa Jehová Diosajj uñji?
Bibliankir aka sarnaqäwinakaw yanaptʼistaspa:
Nú 16:25, 26, 32, 33. Yaqhep chachanakajj Moisés ukat Aarón contra saytʼapjjäna ukhajja, Jehová Diosajj uka kutkatasir jaqenakarusa jupanakar apoyir familianakaparus jiwarayänwa.
Nú 26:10, 11. Coré chachajj jiwayataw uñjasïna, ukampis wawanakapajj janiw jiwapkänti. Amuyatajja jupanakajj janiw Jehová Diosat jitheqtapkänti.