Jisktʼäwinaka

◼ ¿Bibliat uta punkun yatichktan ukhax Diosat mayisiñax wakisipuniti?

Diosat mayisisa Bibliat yatichañ qalltañasa ukat tukuyañasa wali askipuniwa. Kunattix Diosat mayistan ukhax qullan ajayumay yatxatañatak churapxita sasaw mayistanxa (Luc. 11:13). Ukhamatwa Bibliat yatiqañax wali formalätap uñachtʼaytanxa ukat yatiqirirus Diosat mayisiñs yaticharaktanwa (Luc. 6:40). Ukatwa Diosat mayisisa Bibliat yatichañ qalltañatakix taqinir chʼamañchtʼasi. Ukampisa, Bibliat uta punkun yatichktan ukhax Diosat mayisisat qalltañäni janicha ukx sapa mayniw amuytʼxañapa.

Kawkhantï yatichktan uka chiqan kunjamas ukwa sum amuytʼañasa. Sapa kutitï Bibliat punkun yatichktan ukat janirak uka chiqan jaqix walja utjchi ukhaxa, qalltañatakisa ukat tukuyañatakis mä qhawqha arunakamp Diosat mayissnawa. Ukampis jaqinakatï wal uñchʼukiskistani ukat yatiqirix mayjtʼasini ukhaxa, suytʼañaw wakisispa. Ukhamäkchin janisa, kunapachas yatiqirinakampi Diosat mayisiñ qalltañasa ukxa sapa mayniw sum amuytʼxañapa (Nuestro Ministerio del Reino marzo 2005, 4 jana uñxattʼäta).