Maynit maynikam chʼamañchtʼasipjjañäni

Maynit maynikam chʼamañchtʼasiñatakejja, taqeniruw cristiano masinakasampïñajj wal gustistu. Ukampis chʼamañchtʼasiñatakejj janiw jilat kullakanakasamp chikäñapunejj wakiskiti. Bibliajja maynit maynikam chʼamañchtʼasiñasatakiw chʼamañchistu (Rom. 1:11, 12). ¿Kunjamsa mayninakar chʼamañchtʼsna?

Arunakasamp mayninakar chʼamañchtʼapjjañäni. Tantachäwin mä comentario lurkasajja, janiw jakäwisata amuyunakasat añch parlañasäkiti, jan ukasti kunsa Jehová Diosatsa, servirinakapatsa, Bibliats yateqtan ukwa parlañasa. Jilat kullakanakamp parltʼktan ukhajja, kunas Diosar jukʼamp confiyasipkakiñapatakejj jupanakar yanaptʼaspa ukwa amtañasa.

Amtanakar purktan ukampi ukat luratanakasamp mayninakar chʼamañchtʼapjjañäni. Jan walinakan uñjaskasajja, inas mayninakjam Diosar serviskakiñ amtawaystan. Jan ukajj inas wali qaritäsasa usutäsas semanan apaski uka tantachäwir sarstan.

¿Arsutasampisa luratanakasampis jilat kullakanakar chʼamañchtʼasktanti? ¿Kunjamsa jilat kullakanakajj luratanakapampisa arunakapampis chʼamañchtʼapjjestu uk amuyasktanti?