29 Баша дүшүн, Јеһова сизин үчүн шәнбәни тәсис едиб.+ Мәһз буна ҝөрә алтынҹы ҝүн сизә ики ҝүнлүк чөрәк верир. Једдинҹи ҝүн гој һеч кәс һеч јана ҝетмәсин, һәр кәс олдуғу јердә галсын».

8 Шәнбә ҝүнү һәмишә јадынызда олсун, ону мүгәддәс тутун.+ 9 Нә ишиниз варса, алты ҝүн әрзиндә един.+ 10 Једдинҹи ҝүн Аллаһыныз Јеһоваја һәср олунмуш шәнбәдир. Һәмин ҝүн һеч бир иш ҝөрмәмәлисиниз. Нә өзүнүз, нә оғлунуз, нә гызыныз, нә гулунуз, нә гарабашыныз, нә һејваныныз, нә дә шәһәрләриниздә јашајан јаделли һеч бир иш ҝөрмәмәлидир.+ 11 Чүнки Јеһова алты ҝүн әрзиндә ҝөјләри, јери, дәнизи вә онларда олан һәр шеји јарадыб, једдинҹи ҝүн исә истираһәт етмәјә башлајыб.+ Буна ҝөрә дә Јеһова шәнбә ҝүнүнү мүбарәк гылараг ону мүгәддәс елан едиб.

12 Шәнбә ҝүнүнә риајәт едиб ону Аллаһыныз Јеһованын әмр етдији кими, мүгәддәс тутун.+ 13 Нә ишиниз варса, алты ҝүн әрзиндә един.+ 14 Једдинҹи ҝүн Аллаһыныз Јеһоваја һәср олунмуш Шәнбәдир.+ Һәмин ҝүн һеч бир иш ҝөрмәмәлисиниз.+ Нә өзүнүз, нә оғлунуз, нә гызыныз, нә гулунуз, нә гарабашыныз, нә өкүзүнүз, нә улағыныз, нә башга һејваныныз, нә дә шәһәрләриниздә јашајан јаделли һеч бир иш ҝөрмәмәлидир.+ Бәли, гул-гарабашыныз да сизин кими динҹәлмәлидир.+