Зәбур
Дирижора. «Мәһв етмә». Давудун мәзмуру. Михтам*.
58 Еј бәшәр оғуллары, суса-суса салеһликдән даныша биләрсинизми?
Әдаләтли һөкм чыхара биләрсинизми?
2 Хејр, сиз ки үрәјиниздә һагсызлыг тохујурсунуз,
Әлиниз өлкәдә зоракылыг сәпир.
3 Шәр адамлар һәлә ана бәтниндән азғындыр,
Доғулмамышдан јолуну азыб, һеј јалан данышыр.
4 Зәһәрләри илан зәһәринә бәнзәр,
Гулағыны тыхајан кобра кими кардырлар.
5 О, иланојнаданын сәсини ешитмәз,
Овсунлары нә гәдәр ҝүҹлү олса да.
6 Еј Аллаһ, онларын дишләрини гыр,
Бу асланларын әнҝини әз, еј Јеһова.
7 Гој онлар су кими ахыб јох олсунлар,
Онлар јерә јыхылынҹа Сән ох-каманыны һазыр тут.
8 Гој онлар сүрүндүкҹә әријән илбиз кими олсунлар,
Өлү доғулмуш ушаг кими ҝүн ишығы ҝөрмәсинләр.
9 Алышан чыр-чырпынын истиси газанларыныза дәјмәмиш
Аллаһ ҝүҹлү күләктәк чырпылары совураҹаг, јашы да, јанары да.
10 Салеһ адам гисасы ҝөрәндә севинәҹәк,
Ајагларыны писләрин ганында јујаҹаг.
11 О заман инсанлар дејәҹәк: «Һәгигәтән, салеһин мүкафаты вар!
Дүнјаны мүһакимә едән Аллаһ вар!»