1 Салнамәләр

10 Филиштлиләр исраиллиләрлә вурушдулар. Исраиллиләр филиштлиләрин өнүндән гачды. Чохлу сајда исраилли Ҝилбу дағында һәлак олду.+ 2 Филиштлиләр Талутла оғулларыны сыхышдырдылар. Онлар Талутун оғуллары Јонатаны, Әбунәдәби вә Мәлкишуну+ өлдүрдүләр. 3 Талута гаршы дөјүш шиддәтләнди, охчулар ону јахалајыб јараладылар.+ 4 Талут өз силаһдарына деди: «Гылынҹыны чәк, мәни вур. Јохса бу сүннәтсизләр ҝәлиб мәнә ишҝәнҹә верәҹәкләр».+ Амма силаһдары буну етмәди, чүнки бәрк горхурду. Онда Талут гылынҹы ҝөтүрүб өзүнү онун үстүнә атды.+ 5 Силаһдары Талутун өлдүјүнү ҝөрәндә о да өзүнү гылынҹын үстүнә атыб өлдү. 6 Беләликлә, Талут, үч оғлу вә евиндәкиләрдән онун јанында оланларын һамысы өлдү.+ 7 Дәрәдәки исраиллиләр дөјүшчүләрин гачдығыны, Талутла оғулларынын өлдүјүнү ҝөрәндә өз шәһәрләриндән чыхыб гачдылар. Филиштлиләр ҝәлиб о шәһәрләрдә мәскунлашдылар.

8 Нөвбәти ҝүн филиштлиләр өлүләри сојмаға ҝәләндә Ҝилбу дағында Талутун вә онун оғулларынын мејитини тапдылар.+ 9 Талуту сојуб јараг-әсләһәсини ҝөтүрдүләр вә башыны кәсдиләр. Бу хәбәри бүтләринә+ вә ҹамаата чатдырмаг үчүн Филишт мәмләкәтинин һәр тәрәфинә гасидләр ҝөндәрдиләр. 10 Сонра Талутун јараг-әсләһәсини аллаһларынын мәбәдинә гојдулар, кәлләсини исә Дагонун мәбәдиндә+ асдылар.

11 Ҝиладдакы Јабеш+ сакинләри филиштлиләрин Талутун башына ҝәтирдији шејләри ешитдиләр.+ 12 Онда шәһәрин иҝидләри ҝедиб Талутла оғулларынын ҹәсәдини Јабешә ҝәтирдиләр. Орада бөјүк ағаҹын алтында онларын сүмүкләрини дәфн етдиләр+ вә једди ҝүн оруҹ тутдулар.

13 Беләликлә, Талут Јеһованын сөзүндән чыхыб Јеһоваја сәдагәтсизлик етдијинә ҝөрә+ өлдү. Һәм дә о, ҹиндара мүраҹиәт етмишди,+ 14 һалбуки Јеһоваја мүраҹиәт етмәли иди. Аллаһ ону өлүмә вериб Јәссә оғлу Давуду тахта чыхарды.+