19 Чүнки инсанын да ахыры вар, һејванын да. Һәр икисинин сону ејнидир.+ Неҹә ки бу өлүр, елә дә о бири өлүр. Икиси дә ејни руһа маликдир.+ Беләликлә, инсан һејвандан әсла үстүн дејил! Чүнки һәр шеј пучдур. 20 Һамы бир јерә ҝедир.+ Һамысы торпагдан јараныб,+ торпаға да гајыдыр.+

2 Һамынын агибәти бирдир:+ салеһин дә, писин дә,+ јахшынын да, тәмизин дә, натәмизин дә, гурбан ҝәтирәнин дә, гурбан ҝәтирмәјәнин дә. Јахшы адамын сону ҝүнаһкарынкы кими олаҹаг; анд ичәнин дә сону анд ичмәкдән горханынкы кими олаҹаг. 3 Ҝүнәш алтында мөвҹуд олан бир дәрд вар: һәр кәсин агибәти ејни+ олдуғу үчүн инсанларын үрәји писликлә долудур. Нә гәдәр ки јашајырлар, үрәкләриндә дәлилик вар. Сонра исә өлүб ҝедирләр.

11 Ҝүнәш алтында бир шеј дә ҝөрдүм: гачышы һәмишә бәрк гачанлар удмур, дөјүшдә һәмишә иҝидләр галиб ҝәлмир.+ Чөрәк һәмишә мүдрикләрә, вар-дөвләт һәмишә ағыллылара нәсиб олмур,+ уғуру да һәмишә биликли адам газанмыр.+ Чүнки һамысынын габағына вахт вә тәсадүф чыхыр.