Дәрс 12
Һәјата вә гана ҝөстәрилән һөрмәт
Биз һәјата (1), аборта (1) неҹә јанашмалыјыг?
Мәсиһчиләр тәһлүкәсизлијә ҹан атдыгларыны неҹә ҝөстәрирләр? (2)
Һејванлары өлдүрмәк олармы? (3)
Һансы вәрдишләрлә һәјата һөрмәтсизлик ҝөстәрилир? (4) Аллаһын ганунунда ган һаггында нә дејилир? (5) Бураја ганын көчүрүлмәси дә дахилдирми? (6)
1. Јеһова һәјат Мәнбәјидир. Бүтүн ҹанлылар һәјатлары үчүн Аллаһа борҹлудурлар (Мәзмур 36:9). Һәјат Аллаһын ҝөзүндә мүгәддәсдир. Һәтта ана бәтниндә олан ушағын һәјаты да Јеһова үчүн гијмәтлидир. Ана бәтниндә инкишаф етмәкдә олан ушағы гәсдән өлдүрмәк Аллаһын ҝөзүндә пис иш сајылыр (Чыхыш 21:22, 23; Мәзмур 127:3).
2. Мәсиһин һәгиги давамчылары тәһлүкәсизлијә ҹан атырлар. Онлар чалышырлар ки, сүрдүкләри автомобил вә јашадыглары ев тәһлүкәсиз олсун (Тәснијә 22:8). Аллаһын хидмәтчиләри јалныз мәмнунлуг дујмаг үчүн һәјатларыны лазымсыз рискә дүчар етмирләр. Буна ҝөрә дә онлар биләрәкдән, идманын башгаларына хәтәр јетирән зоракы нөвү илә мәшғул олмурлар. Онлар зоракылыға һәвәсләндирән әјләнҹәләрдән гачынырлар (Мәзмур 11:5; Јәһја 13:35).
3. Јараданын ҝөзүндә һејванларын да һәјаты мүгәддәсдир. Мәсиһчиләр өзләрини гида вә ҝејим илә тә’мин етмәк, һәмчинин хәстәлијин вә тәһлукәнин гаршысыны алмаг үчүн һејванлары өлдүрә биләрләр (Тәквин 3:21; 9:3; Чыхыш 21:28). Лакин һејванларла пис давранмаг вә онлары идман вә ја әјләнҹә наминә өлдүрмәк дүзҝүн дејил (Сүлејманын мәсәлләри 12:10).
4. Мәсиһчиләр сигарет чәкмәли вә ләззәт дујмаг үчүн наркотик маддәләри гәбул етмәли дејилләр. Бүтүн бунлары етмәк писдир, она ҝөрә ки, 1) буна бәнзәр вәрдишләр инсаны гул едир, 2) бәдәнә зәрәр ҝәтирир вә 3) натәмиз сајылыр (Ромалылара 6:19; 12:1; 2 Коринфлиләрә 7:1). Бу ҹүр вәрдишләрдән јаха гуртармаг чох чәтиндир. Амма Јеһованы разы салмаг үчүн буну етмәк зәруридир.
5. Аллаһын ҝөзүндә ган да мүгәддәсдир. Аллаһ дејир ки, ҹан, јә’ни һәјат гандадыр. Буна ҝөрә дә гандан гида кими истифадә етмәк дүзҝүн дејил. Һәмчинин ганы јахшы ахыдылмамыш һејванын әтини јемәк дә дүзҝүн дејил. Боғулан вә ја тәләдә өлән һејванын әтини јемәк олмаз. Әҝәр һејваны низә вә ја ҝүллә илә вурубларса, онун ганы дәрһал ахыдылмалыдыр, јалныз о заман ону јемәк олар (Тәквин 9:3, 4; Левилиләр 17:13, 14; Һәвариләрин ишләри 15:28, 29).
6. Бәс ган көчүрмәк олармы? Јадда сахлајын: Јеһова гандан чәкинмәјимизи тәләб едир. Бу о демәкдир ки, бәдәнимизә һеч бир үсулла башга инсанларын ганыны, һәтта биздән алыныб һарадаса сахланылан ганы белә гәбул етмәли дејилик (Һәвариләрин ишләри 21:25). Буна ҝөрә дә Мәсиһин һәгиги давамчылары ган көчүрмәкдән имтина едирләр. Онлар тибби мүалиҹәнин башга нөвләринә, мәсәлән, тәркибиндә ган олмајан дәрманларын көчүрүлмәсинә разыдырлар. Мәсиһчиләр јашамаг истәјирләр, лакин һәјатларыны Аллаһын ганунларыны позмагла хилас етмәјә чалышмырлар (Матта 16:25).
[25-ҹи сәһифәдә олан шәкилләр]
Аллаһы разы салмаг үчүн ган көчүрмәкдән, натәмиз вәрдишләрдән вә лазымсыз рискдән гачынмалыјыг.