“Аллаһын Падшаһлығында ҝөрүшәрик”
“Севимли достум Руперт, бу ҝүн мәнә өлүм һөкмү чыхарылды. Мәним үчүн кәдәрләнмә. Сәни вә аилә үзвләрини севирәм. Аллаһын Падшаһлығында ҝөрүшәрик”.
БУ СӨЗЛӘРИ Франтс Дрозг 1942-ҹи ил ијун ајынын 8-дә, фашистләр тәрәфиндән ҝүлләләнмәздән бир нечә дәгигә әввәл јазмышдыр. О, нәјә ҝөрә өлүмә мәһкум едилмишди?
Словенијанын Морибор шәһәриндә јерләшән Милли-азадлыг музејиндән әлдә едилән мә’лумата әсасән, дәмирчи пешәсинә саһиб олан 38 јашлы бу киши, ишғал едилмиш Словенијада фәалијјәт ҝөстәрән “Wehrmannschaft” адлы һәрбиләшдирилмиш алман дәстәсинә гошулмагдан имтина етди. Франтс, һазырда Јеһованын Шаһидләри кими танынан Бибелфоршер, јә’ни Мүгәддәс Китабын Тәдгигатчыларындан иди. О, Ишаја 2:4 ајәсинә мүвафиг давранараг, Аллаһын Падшаһлығынын вәтәндашы олдуғуну, фашистләрин һәрби фәалијјәтләринә исә тәрәфдар олмаг истәмәдијини билдирмишди (Матта 6:33, И-93).
Франтс доғма шәһәри Птуедә, Аллаһын Падшаһлығынын ҹәсарәтли тәблиғчиси кими танынырды (Матта 24:14, И-93). Бир чох чәтинликләрә бахмајараг, о, 1942-ҹи илин мај ајында һәбс едиләнәдәк тәблиғ етмәјә давам етди.
Фашистләр, Јеһованын словенијалы бир чох Шаһидләрини гәддарҹасына тә’гиб едирдиләр. Франтс, дини е’тигадларына ҝөрә һәлак олан биринҹиләрин арасында иди. Ону биринҹи әсрин мәсиһчиләри кими: “Биз Аллаһын Падшаһлығына чох әзијјәтләрлә ҝирмәлијик” сөзләри мөһкәмләндирирди (Һәвариләрин ишләри 14:22, И-93). Франтс инанырды ки, Аллаһын Падшаһлығы - мөвҹуд олан реал ҝөјләр һакимијјәтидир. Буну, онун: “Аллаһын Падшаһлығында ҝөрүшәрик” дејә сөјләдији сонунҹу сөзләри ҝөстәрирди.
[Иҹазә илә]
Franc Drozg: Photo Archive-Museum of National Liberation Maribor, Slovenia; letter: Original kept in Museum of National Liberation Maribor, Slovenia