“Аллаһ һаггында чох шеји билмәмишәм
КЕРАЛАДАН (Һиндистан) олан бир нәфәр киши белә јазмышдыр: “Өтән ил әрзиндә Јеһованын Шаһидләри мәни зијарәт едир вә Аллаһын Падшаһлығы һаггындакы ҝөзәл хәбәри мәнимлә бөлүшүрдүләр. Мән сәккиз ил католик олмушам, анҹаг Аллаһ һаггында чох шеји билмәмишәм. Мән ҹәми бир ил әрзиндә чох шеј өјрәндим. “Ҝөзәтчи Гүлләси”нин 139 [һазырда 147] дилдә дәрҹ олундуғуну биләндә чох севиндим. Бүтүн дилләрдән олан инсанларын Аллаһ һаггында һәгигәти өјрәнмәси һејрәтләндириҹидир”.
Бир чох философлар Аллаһы дәрк етмәјин мүмкүн олмадығыны иддиа етсәләр дә, һәвари Павел ајдын сурәтдә бунун әксинә олдуғуну ҝөстәрмишдир. О, “Намә’лум Аллаһа” һәср олунмуш гурбанҝаһын өнүндә ибадәт едән бә’зи афиналылара мүраҹиәт едәрәк демишди: “Мән сизә билмәјәрәк ибадәт етдијиниз бу Аллаһы тәблиғ едирәм. Дүнјаны вә онун ичиндә олан бүтүн шејләри јарадан Аллаһ... һамыја һәјат, нәфәс вә һәр шеји верән Өзүдүр... О, бүтүн халглардан олан инсанлары бир гандан јаратды ки, бүтүн јер үзүндә јашасынлар” (Һәвариләрин ишләри 17:23-26).
Павел динләјиҹиләрини Јараданы дәрк етмәк үчүн сә’ј ҝөстәрмәјә тәшвиг едирди, чүнки “О һеч биримиздән узаг дејил” (Һәвариләрин ишләри 17:27). Јеһованын Шаһидләри, һәгиги Аллаһ вә Онун ҹәлбедиҹи хүсусијјәтләри һаггында өјрәнмәкдә сизә көмәк етмәјә шад олаҹаглар.