Тәәҹҹубләнмәји баҹарырсынызмы?
МҮГӘДДӘС КИТАБДА сөзләрини охудуғумуз инсанларын Аллаһын ишләри вә хүсусијјәтләри һаггында бәһс едәркән чох вахт тәәҹҹүб вә һејрәтләрини ифадә етдикләринә диггәт јетирмисинизми? “Чох ҝөзәл вә валеһедиҹи сурәтдә јарадылмышам” дејә, мәзмурчу е’тираф едирди (Мәзмур 139:14). Ишаја пејғәмбәр јазырды: “Ја Рәбб, Аллаһым сәнсән; сәни јүксәлдәрәм, сәнин исминә һәмд едәрәм; чүнки сән валеһедиҹи шејләр јаратдын” (Ишаја 25:1). Ҝөрүн һәвари Павелин сөзләриндә нә гәдәр һејранлыг вә мәфтунлуг һисс олунур: “Еј Аллаһын зәнҝинлик вә һикмәт вә елминин дәринлији!” (Ромалылара 11:33).
“Тәәҹҹүб” сөзү 3 ҹилдли “Азәрбајҹан дилинин изаһлы лүғәти”ндә “гејри-ади, ҝөзләнилмәз, гәрибә, анлашылмаз шејдән доған ҝүҹлү тәәссүрат нәтиҹәсиндә инсанда әмәлә ҝәлән һал; һејрәт” кими мүәјјән едилир. Бу ҹүр тәәҹҹүб чох вахт һејранлыгла һәмаһәнҝ олур.
Мәҝәр көрпәләрин онлар үчүн јени олан нәји исә ҝөрәндә, һисс едәндә вә ја ешидәндә тәәҹҹүбдән ҝениш ачылан ҝөзләринә тамаша етмәк хош дејилми? Тәәссүфләр олсун ки, илләр өтдүкҹә инсанлар јени вә гејри-ади шејләрә тәәҹҹүбләнмәк вә һејранлыг һисси дујмаг баҹарығыны итирирләр.
Лакин јухарыда сөзләри ситат ҝәтирилән Мүгәддәс Китаб јазычылары өмүрләринин сонуна гәдәр бу баҹарығы горујуб сахламышлар. Нәјә ҝөрә онлар тәәҹҹүбләнмәјә давам едә билирдиләр? Чүнки онлар Аллаһын ишләри үзәриндә миннәтдарлыг һисси илә дүшүнүрдүләр. Мәзмурчу белә дуа едирди: “Кечмиш ҝүнләри анырам; сәнин бүтүн ишләрини дәрин дүшүнүрәм; әлләринин [тәәҹҹүблү] иши үзәриндә дүшүнҹәјә далырам” (Мәзмур 143:5).
Аллаһын мүасир хидмәтчиләринин тәәҹҹүбләнмәји баҹармалары неҹә дә тә’рифәлајигдир! Бәс сиз буну баҹарырсынызмы? Бу баҹарығы горујуб сахламаға чалышырсынызмы?