Фаҹиә баш верәндә

ИКИ ЈАШ јарымлыг Оуен евдә һамам отағында ојнајырды. Неҹә олдуса, валидејнләринин ушаг үчүн әлчатмаз сандыглары дәрман гутусу онун әлинә кечди. Дәрманларын арасында онун диггәтини бир шүшә ҹәлб етди. Ушаг шүшәнин гапағыны ачыб, ичиндәкини ичди. Фаҹиә баш верди.

Шүшәнин ичиндәки јејиҹи туршу иди вә тәәссүф олсун ки, балаҹа Оуен өлдү. Онун валидејнләри гәм-гүссә ичиндә идиләр. Ушағын атасы Перси мәнсуб олдуғу килсәдә тәсәлли тапмаға чалышды. «Бу нә үчүн баш верди?» дејә сорушду. Кешиш «Аллаһ ҝөјдә даһа бир мәләкҹијин олмасыны истәди» сөзләри илә ҹаваб верди. Кәдәрдән үзүлмүш ата бу фикирлә разылаша билмирди. Доғруданмы Аллаһ бу ҹүр фаҹиәнин баш вермәсини истәјирди? Перси өз дининә олан бүтүн үмидини итирди вә гәрара ҝәлди ки, бир даһа килсәјә ҝетмәјәҹәк.

Һәр дәфә баш верән һадисә барәсиндә дүшүнәндә, Перси өзүндән сорушурду: «Ҝөрәсән оғлум һәлә дә изтираб чәкирми? Ону бир даһа ҝөрәҹәјәмми?»

Еһтимал ки, сиз дә «Инсан өләндә нә баш верир? Өлән әзизләримизи јенидән ҝөрмәк мүмкүндүрмү?» дејә сорушмусунуз. Аллаһын Кәламы олан Мүгәддәс Китаб бу суаллара ајдынлыг ҝәтирир. Буна бәнзәр фаҹиәләрлә үзләшән инсанларын һамысы бу китабдан тәсәлли сөзләри тапаҹаглар. Даһа ваҹиби исә одур ки, бу китабда Аллаһын ҝөзәл вә’ди — өлүләрин дирилмәси һаггында данышылыр.

Әлиниздәки журналын 18-32-ҹи сәһифәләриндәки мәгаләләри охумагла, бу ҝөзәл үмид һаггында даһа чох өјрәнәҹәксиниз.