«Онлар өз иманларындан дөнмәдиләр»
ИСА МӘСИҺ өз шаҝирдләринә демишдир: «Мәнә ҝөрә инсанлар сизи тәһгир вә тә’гиб едәҹәкләри, јалан сөјләјиб сизә һәр ҹүр бөһтан атаҹаглары заман, сиз нә бәхтијарсыныз!» (Матта 5:11). Јеһованын Шаһидләри бу ҝүн Мәсиһин тә’лимләринә вә нүмунәсинә мүвафиг јашајараг дүнјадан узаг дурдуглары, сијаси ишләрдә ҹидди сурәтдә битәрәфлијә риајәт етдикләри вә һәр бир шәраитдә Аллаһ гаршысында нөгсансызлығы горудуглары үчүн чох хошбәхтдирләр (Јәһја 17:14; Матта 4:8-10).
Лүтеран илаһијјатчысы вә Мүгәддәс Китаб тәрҹүмәчиси Томас Паул өзүнүн «Кәндин ортасында килсә» адлы китабында Јеһованын Шаһидләринин кечмиш Совет Иттифагында, о ҹүмләдән Естонијада иманда сарсылмаз галдыглары һагда јазмышдыр: «1951-ҹи илин апрелин 1-дә сәһәр тездән баш верәнләр һаггында чох аз адам ешитмишдир. Һөкумәт Јеһованын Шаһидләриндән вә онлары дәстәкләјәнләрин һамысындан јаха гуртармаг нијјәтиндә иди — нәтиҹәдә сахланыланларын вә Сибирә сүрҝүн едиләнләрин сајы 279 нәфәр олмушдур... Сүрҝүндән вә ја һәбсдән гачынмаг үчүн онлара иманларындан дөндүкләрини билдирән сәнәди имзаламаг тәклиф олунурду. [...] Әввәлҹә һәбс олунанларла бирликдә сахланыланларын сајы ҹәми 353 нәфәр иди. Һәбс олунанларын ән азы 171 нәфәри онларын јығынҹагларына ҝәлирди. Лакин онлар өз иманларындан, һәтта Сибирдә дә дөнмәдиләр. [...] [Естонијанын лүтеран] килсәсинә аид оланлардан чох аз адам Јеһованын Шаһидләринин иманына бәнзәр имана малик иди» («Кирик кесет күла»).
Бүтүн дүнјада Јеһованын Шаһидләри там әминдирләр ки, тә’гибләрә бахмајараг Аллаһ онлара садигликләрини горујуб сахламагда көмәк едәҹәк. Онлар сәдагәтли галдыгларына ҝөрә алаҹаглары мүкафатын һәгигәтән дә бөјүк олдуғуну дәрк етдикләри үчүн севинирләр (Матта 5:12).