«Бизим разылығымызы алды»

ШӘРГ өлкәләриндә адамларын гонагпәрвәрлији дилләрдә дастандыр. Мәсәлән, Һиндистанда ҝөзләнилмәдән ҝәлән гонағын габағына һәтта сонунҹу тикәни дә гоја биләрләр. Иранда ана сојудуҹуну һәмишә долу сахлајыр ки, истәнилән вахт ҝәлән гонағын габағына чыха билсин.

Белә сәхавәтлилик Мүгәддәс Китабда адлары чәкилән бир чох инсанлара да хас иди. Онлардан бири Македонија әјаләтинин әсас шәһәри Филипидә јашајан вә чох еһтимал ки, јәһуди прозелити олан Лидијадыр. Бир шәнбә ҝүнү һәвари Павел јол јолдашлары илә бирликдә Филипи јахынлығындакы чајын кәнарына топлашмыш гадынларла растлашды, онларын арасында Лидија да вар иди. Павел данышанда Јеһова онун үрәјини ачды вә о, аилә үзвләри илә бирликдә вәфтиз олду. Сонра Лидија јолчулара јалварды: «Әҝәр мәни Рәббә садиг сајдынызса, евимә ҝәлин вә орада галын». Павелин јолдашы Лука јазыр: «[О] бизим разылығымызы алды» (Һәвариләрин ишләри 16:11-15).

Бу ҝүн дә мәсиһчиләр һәмиманлыларына, мәсәлән, сәјјар нәзарәтчиләрә вә онларын һәјат јолдашларына гонагпәрвәрлик ҝөстәрирләр. Ев саһибләри евләриндә гонаг олмаг үчүн онлары дилә тутараг ‘разылыгларыны алырлар’. Гонагпәрвәрлик ҝөстәрәнләр, өз нөвбәсиндә, руһландырыҹы үнсијјәтдән вә руһани гардашлыгдан севинҹ дујурлар. Јеһованын Шаһидләринин чохунун мадди имканы мәһдуд олса да, онлар ‘гонагпәрвәр олмаға ҹан атырлар’ (Ромалылара 12:13; Ибраниләрә 13:2). Әлиачыглыг онлара хошбәхтлик ҝәтирир. Доғрудан да Иса «вермәк алмагдан даһа бөјүк бәхтијарлыг ҝәтирир» демәклә јанылмамышды (Һәвариләрин ишләри 20:35).