Охуҹуларын суаллары
Һәвари Павел «Ибраниләрә мәктуб»унда ‘әлләр гојулушундан’ данышыр. О, бурада ағсаггалларын тәјин едилмәсиндән, јохса башга шејдән бәһс едир? (Ибр. 6:2, И-93).
Буну бирмәналы шәкилдә иддиа етмәк үчүн әсас олмаса да, еһтимал ки, Павел руһун әнамларыны өтүрмәк үчүн әлләрин гојулушундан данышырды.
Мүгәддәс Китабда дејилир ки, бәзән әлләрин гојулушу теократик тәјинатла бағлы иди. Муса Јешуаны өз хәләфи кими тәјин едәндә «онун үзәринә әлләрини гојмушду» (Ганун. т. 34:9). Мәсиһчи јығынҹағында бәзи јарарлы кишиләр әлләрин гојулушу илә тәјин олунмушду (Һәв. иш. 6:6; 1 Тим. 4:14). Павел тәләсәрәк әлләри адамын үзәринә гојмағы мәсләһәт ҝөрмүрдү (1 Тим. 5:22).
Бунунла белә, Павел ибрани мәсиһчиләрини ‘ибтидаи тәлими бурахыб, камиллијә доғру ҹан атмаға’ тәшвиг едирди. Сонра о, ‘өлүм ҝәтирән ишләрдән төвбәни вә Аллаһа олан иманы, вәфтизләр һаггындакы тәлими, әлләр гојулушуну’ садалады (Ибр. 6:1, 2, И-93). Демәк олармы ки, ағсаггалларын тәјин олунмасы ибтидаи шејләрә дахилдир вә мәсиһчиләр ону бурахыб јеткинлијә ҹан атмалыдыр? Јох. Јығынҹағын ағсаггалы кими хидмәт етмәк јеткин гардашларын мәгсәди олмалыдыр вә гијмәтләндирилмәлидир (1 Тим. 3:1).
Әлләр башга мәгсәдлә дә гојулурду. Биринҹи әсрдә Јеһова ҹисмани Исраили Өз халгы кими инкар етди вә руһани Исраили, јәни мәсһ олунмуш мәсиһчиләрин јығынҹағыны гәбул етди (Мат. 21:43; Һәв. иш. 15:14; Галат. 6:16). Мүгәддәс руһун башга дилләрдә данышмаг кими мөһтәшәм әнамлары буна бир сүбутдур (1 Кор. 12:4-11). Корнелиус вә онун аиләси мәсиһчи оланда мүгәддәс руһ алдылар вә онларын ‘јад дилләрдә данышмалары’ буна ишарә иди (Һәв. иш. 10:44-46).
Бәзән мөһтәшәм әнамлар әлләрин гојулмасы илә дә верилирди. Филип хош хәбәри Самаријада тәблиғ едәндә бир чохлары вәфтиз олунду. Рәһбәрлик шурасы һәвариләри — Петери вә Јәһјаны ораја ҝөндәрди. Һансы мәгсәдлә? Биз охујуруг: «О вахт Петер вә Јәһја онларын [јени вәфтиз олунанларын] үзәринә әлләрини гојдулар. Онлар да Мүгәддәс Руһу гәбул етдиләр». Ҝөрүнүр, бунун сајәсиндә онлар мүгәддәс руһун әнамларыны, јәни ҝөзлә ҝөрүнән габилијјәтләр алырдылар. Бу ондан бәллидир ки, әввәлләр сеһирбазлыг едән Шимон руһун бу ҹүр фәалијјәт ҝөстәрмәсини ҝөрүб, әлләрин гојулмасы илә башгаларына белә әнамлар вермәк габилијјәтини алмаг үчүн тамаһкарҹасына пул тәклиф етмәјә ҹәһд етди (Һәв. иш. 8:5-20). Бир гәдәр кечдикдән сонра Ефесдә 12 нәфәр вәфтиз олду. Биз охујуруг: «Павел әлләрини онларын үстүнә гојдугда, Мүгәддәс Руһ онларын үзәринә назил олду вә башга-башга дилләрдә данышмаға вә пејғәмбәрлик етмәјә башладылар» (Һәв. иш. 19:1-7; мүгајисә ет: 1 Тимотејә 1:6).
Беләликлә, Павел Ибраниләрә 6:2 ајәсиндә, еһтимал ки, јени мәсиһчи оланлара руһун әнамларыны вермәк мәгсәдилә әлләрин гојулушундан данышырды.