Һәгигәт тохумлары уҹгар әразиләрә сәпәләнир
ҸӘНУБДАН вә шәргдән Монголустанла һәмсәрһәд олан Русијанын Тува Республикасы Сибирин ән ҹәнуб һиссәсиндә јерләшир. Туванын бир чох сакинләри уҹгар әразиләрдә јашадыгларындан Падшаһлыг һаггында хош хәбәри онлара чатдырмаг чәтиндир. Лакин бу јахынларда Туванын бир чох узаг әразиләриндән онун пајтахты олан Гызыл шәһәриндә кечирилән семинарда иштирак етмәк үчүн бир груп инсан ҝәлмишди. Гызылда пионер кими хидмәт едән Марија онларын ҝәлиши һагда хәбәр тутанда хош хәбәри онларла бөлүшмәк үчүн бунун әла фүрсәт олдуғуну анлады.
Марија данышыр: «Мүәллимә ишләдијим мәктәбдә асылылыг јарадан маддәләрин истифадәси илә мүбаризәјә даир семинарын кечирилмәси нәзәрдә тутулмушду. Бу семинара Туванын уҹгар јерләриндән тәхминән 50 адам гатылмышды. Иштирак едәнләрин арасында мүәллимләр, психологлар, һимајәчилик орган ишчиләри вә башгалары варды». Маријанын тәблиғ етмәјә ҝөзәл имканы јаранса да, бу, онун үчүн һеч дә асан дејилди. О дејир: «Мән тәбиәтҹә утанҹағам вә гејри-рәсми тәблиғ етмәк мәнә чәтиндир. Анҹаг дуада Јеһовадан ҹәсарәт истәдим ки, горху һиссинә галиб ҝәлим вә бу ҝөзәл имкандан истифадә едәрәк шаһидлик верим». О, буна наил олдуму?
Марија давам едир: «“Ојанын!” журналынын фобија һаггында бәһс едән сајыны тапдым. Фикирләшдим ки, бу, психологлар үчүн мараглы олар вә журналы өзүмлә мәктәбә апардым. Һәмин ҝүн семинарда иштирак едән мүәллимләрдән бири синфимә ҝәләндә журналы она тәклиф етдим. О, журналы бөјүк мәмнунијјәтлә ҝөтүрүб етираф етди ки, о да фобијадан әзијјәт чәкир. Нөвбәти ҝүн мән она “Ҝәнҹләрин суаллары. Практики мәсләһәтләр” китабынын I ҹилдини ҝәтирдим. О, бу китабы да бөјүк севинҹлә ҝөтүрдү. Онун мүсбәт реаксијасыны ҝөрүб фикирләшдим ки, бу китаб башга мүәллимләрә дә мараглы ҝәлә биләр. Буна ҝөрә дә мән мәктәбә “Ҝәнҹләрин суаллары” вә башга нәшрләрлә долу бир гуту әдәбијјат ҝәтирдим». Тезликлә гуту бошалды. Марија әлавә едир: «Һәмин мүәллимәнин бир нечә һәмкары синфимә ҝәлиб сорушду: “Бу китаблар һарада пајланылыр?”» Онлар дүз үнвана ҝәлмишдиләр!
Семинарын сонунҹу ҝүнү шәнбә ҝүнүнә тәсадүф едирди. Һәмин ҝүн Маријанын истираһәт ҝүнү олдуғундан о, столларын үстүнә әдәбијјат гојмаг гәрарына ҝәлди. Лөвһәдә исә бу сөзләри јазды: «Һөрмәтли мүәллимләр! Сиз өзүнүз вә танышларыныз үчүн әдәбијјат ҝөтүрә биләрсиниз. Бу ҝөзәл нәшрләр сизә ишиниздә мүвәффәгијјәтли олмаға вә аиләнизи мөһкәмләндирмәјә көмәк едәҹәк». Бәс сонра нә баш верди? «Һәмин ҝүн мәктәбә ҝәләндә ҝөрдүм ки, синифдә чох аз әдәбијјат галыб. Мән дәрһал јени китаб вә журналлар ҝәтирдим». Семинар баша чатанда Марија 380 журнал, 173 китаб вә 34 брошүра пајламышды. Семинарда иштирак едәнләр јашадыглары вә ишләдикләри уҹгар әразиләрә гајыданда нәшрләри дә өзләри илә апардылар. Марија дејир: «Мән чох севинирәм ки, һәгигәт тохумлары Туванын ән уҹгар јерләринә сәпәләнмишдир!» (Ваиз 11:6).
[32-ҹи сәһифәдәки хәритә]
(Хәритәјә нәшрин өзүндә бахын)
РУСИЈА
ТУВА РЕСПУБЛИКАСЫ