Јадыныздадырмы?
«Ҝөзәтчи Гүлләси»нин сон сајлары хошунуза ҝәлдими? Елә исә ашағыдакы суаллара ҹаваб вермәјә чалышын.
• Нәјә ҝөрә гызыл дана дүзәлтдији үчүн Аллаһ Һаруну ҹәзаландырмады?
Һарун Аллаһын бүтпәрәстлијә гадаға гојан ганунуну позмушду (Чых. 20:3—5). Лакин салеһ инсан Мусанын Һарун үчүн дуа етмәсинин бөјүк тәсири олду (Јаг. 5:16). Һарун о вахта гәдәр Аллаһа сәдагәтлә хидмәт едирди. О, тәзјиг алтына дүшәрәк дана дүзәлтмәсинә бахмајараг, Леви оғуллары илә бирликдә гәтијјәтлә Јеһованын тәрәфини тутмагла сонракы һәрәкәтләрилә үрәјиндә бүтпәрәстлији дәстәкләмәдијини ҝөстәрди (Чых. 32:25—29) (15.5, сәһифә 21).
• Мәсиһчи һәјат јолдашынын хәјанәтинин өһдәсиндән неҹә ҝәлә биләр?
Әҝәр ҝүнаһсыз тәрәф Мүгәддәс Китаб принсипләринә ујғун јашамаға давам едирсә, о, јолдашынын хәјанәтинә вә ҝүнаһына ҝөрә виҹдан әзабы чәкмәмәлидир. Унутма, Аллаһ билир ки, сән тәсәлли вә дәстәјә еһтијаҹ дујурсан. О, бу тәсәллини сәнә һәмиманлыларын васитәсилә верә биләр (15.6, сәһифәләр 30, 31).
• Хәстә достунуза көмәк етмәк үчүн нә едә биләрсиниз?
Диггәтлә динләјин (Ваиз 3:1, 7). Шәфгәтли вә диггәтҹил олун (Ром. 12:15). Үрәк-дирәк верин вә көмәјинизи әсирҝәмәјин (Колос. 4:6; 1 Јәһ. 3:18). Һәмчинин әлагәнизи кәсмәјин (Сүл. мәс. 17:17) (ијул—сент., сәһифәләр 20—23).
• Һарадан билирик ки, Аллаһын башланғыҹы јохдур?
Бу, Мусанын Мәзмур 90:2 ајәсиндәки сөзләриндән ҝөрүнүр. Бу сәбәбдән, Јеһова «әбәдијјәт Падшаһы» титулуну дашыјыр (1 Тим. 1:17, ЈД) (ијул—сент., сәһифә 13).
• Өвладынызын охумағы севмәси үчүн нә едә биләрсиниз?
Хош аб-һава вә валидејнләрин ҝөстәрдији нүмунә ушаглара охумаға севҝи ашыламагда көмәк едир. Һәмчинин, чалышын ки, онларын өз китабы олсун. Уҹадан охујун. Охудугларынызы мүзакирә етмәклә онлары иштирак етмәјә тәшвиг един. Гој онлар сизин үчүн охусунлар вә суаллар версинләр (15.7, сәһифә 26).
• Нәјин әсасында Иса ҝүнаһкар кими танынан гадынын ҝүнаһларыны бағышлады?
Илк инсанларын үсјанындан сонра Јеһованын сөјләдији илк пејғәмбәрлијә әсасән, өвлад вә ја Мәсиһ пејда олаҹагды. Јарадылыш 3:15 ајәсиндәки пејғәмбәрлик дејилән заман фидјә Јеһованын ҝөзүндә артыг өдәнилмиш кими иди, чүнки Аллаһын нијјәтинин јеринә јетмәсинә һеч нә мане ола билмәзди. Фидјә гурбаны һәлә өдәнилмәсә дә, онун дәјәрини артыг бу ҝүнаһлы гадын кими инсанлара тәтбиг етмәк мүмкүн иди, чүнки онун тәгдим олунаҹағына һеч бир шүбһә јох иди (15.8, сәһифә 6).