Мүндәриҹат

Инсанын билији варса, амма ондан истифадә етмирсә, бунун она нә фајдасы?! Өјрәндикләримизә әмәл етмәк үчүн тәвазөкар олмалыјыг. Бу мәгаләдә арашдыраҹағымыз Мүгәддәс Китаб персонажлары бизә тәвазөкар галмаға көмәк едәҹәк. Һәр ҹүр инсана тәблиғ едән, башгалары үчүн дуа едән вә тәмкинлә Јеһованын һәрәкәтә кечмәсини ҝөзләјән бу иманлы шәхсләр бизә ҝөзәл өрнәкдир.

Бу чәтин зәманәдә үзләшдијимиз һәјат гајғылары бизи мәјус едир вә тагәтдән салыр. Бизим Јеһова Аллаһ вә Иса Мәсиһ кими дајағымыз вар. Бунунла белә, һәр биримиз башгаларына тәсәлли вермәк вә руһландырмаг мәсулијјәти дашыјырыг. Бу мәгаләдә бир-биримизи мәһәббәтлә мөһкәмләндирмәјин јолларыны арашдыраҹағыг.

Хошбәхтлик мәнбәји олан Аллаһымыз Јеһова хидмәтчиләринин бәхтијар олмасыны истәјир. Бәс Шејтан дүнјасында гаршылашдығымыз чәтинликләрә вә сынаглара рәғмән хошбәхтлијимизи неҹә горуја биләрик? Иса Мәсиһин Дағүстү вәзиндә вердији практики мәсләһәтләр бизим әбәди хошбәхтлијимизә гапы ачыр.

Бу дүнјада инсанлар ҝет-ҝедә даһа худбин олур, лакин Аллаһын халгы мәһәббәтләри илә сечилир. Мәһәббәтин бир јөнү башгаларына ҝөстәрдијимиз анлајышдыр. Бу ики мәгалә мәһәббәтин бу јөнүнә һәср олунуб. Биринҹи мәгаләдә Јеһованын инсанлара ҝөстәрдији диггәт, гајғы һагда данышылыр, икинҹи мәгаләдә исә Ондан неҹә өрнәк ала биләҹәјимиз мүзакирә олунур.