Е’ланлар

◼ Сентјабр ајында пајланаҹаг әдәбијјат: “Һәјат неҹә әмәлә ҝәлиб? Тәкамүл, јохса јарадылма јолу илә?”. Октјабр: “Ҝөзәтчи Гүлләси” вә “Ојанын!” журналлары. Мараг ҝөстәрилән јердә, Мүгәддәс Китаб өјрәнмәси башламаг мәгсәдилә “Аллаһ тәләб едир” брошүрасыны тәклиф един. Нојабр: “Аллаһ биздән нә тәләб едир?” вә ја “Әбәди һәјата апаран билик”. Әҝәр адамларда бу нәшрләр варса, башга нәшрләри тәклиф етмәк олар. Декабр: “Аилә хошбәхтлијинин сирри”.

◼ Јығынҹаг тә’јин олундуғу вилајәт конгресиндә олунҹаја гәдәр, “Бизим Падшаһлыг Хидмәтимиз”ин 2002-ҹи ил октјабр бурахылышыны пајламаг лазым дејил.

◼ Ағсаггаллар, “Ҝөзәтчи Гүлләси”нин 1991-ҹи ил 15 апрел сајынын 21-23-ҹү сәһифәләриндә (рус.), үнсијјәтдән мәһрум едиләнләрә вә ја имтина едәнләрә, лакин јенидән јығынҹағын үзвләри олмаг истәјәнләрә аид олан ҝөстәришләрә диггәт јетирмәлидирләр.

◼ Филиал, тәблиғчиләрин әдәбијјат үчүн шәхси сифаришләрини јеринә јетирмир. Сәдрлик едән нәзарәтчи гајғы ҝөстәрмәлидир ки, ајлыг сифариши филиала јолламаздан әввәл, бу барәдә јығынҹагда һәр ај е’лан едилсин вә шәхси сифариш етмәк истәјән һәр бир кәс бу барәдә әдәбијјат үчүн ҹавабдеһ гардаша хәбәр верә билсин. Хаһиш олунур ки, хүсуси сифаришлә верилән нәшрләри јадда сахлајын.

◼ 2003-ҹү илдә кечириләҹәк Хатирә Ҝеҹәси илә әлагәдар апрелин 27-дә базар ҝүнү хүсуси мә’рузә сөјләнәҹәк. Ады бир гәдәр сонра е’лан едиләҹәк. Мә’рузәнин планы әввәлҹәдән тәгдим олунаҹаг. Һәмин истираһәт ҝүнләри рајон нәзарәтчисинин зијарәт етдији, јахуд рајон вә ја хүсуси конгрес кечирилән, ја да ки, ҝөрүшләри шәнбә ҝүнү кечирилән јығынҹагларда мә’рузә нөвбәти һәфтә сөјләнилмәлидир. Мә’рузә, 2003-ҹү ил апрелин 27-ә гәдәр һеч бир јығынҹагда сөјләнилмәмәлидир.

◼ Ҹәмијјәт, “Әбәди һәјата апаран билик” китабыны рус дилиндә ири шрифтлә (кллп, 6226 №-ли әшја) чапа һазырлајыр. Нәшрин сајыны билмәк үчүн, хаһиш олунур ки, 2002-ҹи ил сентјабрын 1-дәк сифаришләринизи един. Ады чәкилән нәшр һазыр олана гәдәр ҝөндәрилән сифаришләрин сијаһысында “Сифариш гәбул олунмушдур” графасында ҝөстәриләҹәк.

◼ Јени нәшрләр:

“Теократик Хидмәт Мәктәбиндә тә’лим алырыг” — инҝилис (Брајл шрифти), га, игбо, исоко, испан (Брајл шрифти), јоруба, тви, еве, ефик дилләриндә

“Ишајанын пејғәмбәрлији — бүтүн бәшәријјәт үчүн ишыгдыр ЫЫ” (ип-2) — панҹаби дилиндә