Хидмәтимиз тәвазөкарлыг тәләб едир
1 Аллаһын Кәламы бизи тәвазөкар олмаға вә пислијә писликлә ҹаваб вермәмәјә, әксинә, хејир-дуа етмәјә тәшвиг едир (1 Пет. 3:8, 9). Бу мәсләһәт, сөзсүз ки, тәблиғ хидмәтинә аиддир. Ахы мәсиһчи хидмәти бизим тәвазөкарлығымыз үчүн сынаг ола биләр.
2 Тәвазөкарлыг, хошаҝәлмәз вәзијјәтләрдә таб ҝәтирмәјимизә көмәк едән кејфијјәтдир. Тәблиғ едәркән, биз кәнар адамларын јанына чағырылмамыш гонаг кими ҝәлирик. Буна ҝөрә дә билирик ки, онлардан бә’зиләри аҹыглы тәрздә ҹаваб верәҹәкләр. Бу ҹүр мүнасибәтә бахмајараг, тәблиғи давам етдирмәк үчүн тәвазөкарлыг тәләб олунур. Бир әразидә тәблиғ етмәк хүсусилә чәтин иди. Ики пионер баҹы ики ил мүддәтиндә евдән-евә тәблиғ етмәјә чалышырдылар, лакин һеч ким онлара гапы ачмырды. Амма онлар тәслим олмадылар вә бу ҝүн һәмин әразидә инкишаф етмәкдә олан ики јығынҹаг вар.
3 Әҝәр кобуд ҹаваб верирләрсә. Әҝәр инсанлар нәзакәтсиздирләрсә вә сәрт давранырларса, Исаны тәглид етмәкдә тәвазөкарлыг бизә көмәк едәҹәкдир (1 Пет. 2:21-23). Бир евдә баҹымызы әввәлҹә гадын, сонра да онун әри тәһгирлә гаршыладылар. Онлар кобуд тәрздә баҹынын онларын евини тәрк етмәсини тәләб етдиләр. Баҹы садәҹә олараг ҝүлүмсүндү вә онларла башга дәфә сөһбәт едә биләҹәјинә үмид етдијини сөјләди. Бу давраныш әр-арвада о гәдәр ҝүҹлү тәәссүрат бағышлады ки, нөвбәти дәфә онларын јанына Шаһидләр ҝәләндә әр-арвад Шаһидләри динләдиләр вә Падшаһлыг залында кечирилән ҝөрүшә ҝәлмәјә разылыг вердиләр. Падшаһлыг Залында евләриндән говдуглары баҹы илә растлашдылар. Баҹы онларла ҝөрүшдү вә даһа сонра да шаһидлик верди. ‘Мүлајимлик вә еһтирам’ тәзаһүр етдирмәклә, һәссас олмајан инсанлары биз дә бу ҹүр јумшалда биләрик (1 Пет. 3:15; Сүл. мәс. 25:15).
4 Ловғалыгдан гачынын. Мүгәддәс Китабдан әлдә етдијимиз биликләр, инсанлара јухарыдан бахмаға вә ја онлара гаршы е’тинасыз јанашмаға әсас вермир (Јәһ. 7:49). Әксинә, Мүгәддәс Китаб бизи ‘һеч кимә ифтира атмамаға’ чағырыр (Тит. 3:2). Биз дә Иса кими гәлбдән тәвазөкарыгса, башгалары бизим јанымызда өзләрини раһат һисс едирләр (Мат. 11:28, 29). Тәвазөкарлыг, чатдырдығымыз хош хәбәри даһа ҹазибәли едир.
5 Бәли, тәвазөкарлыг бизә, һәтта чәтин әразиләрдә дә тәблиғ етмәјә көмәк едир. Бу кејфијјәт бә’зиләрини јумшалдыр, диҝәрләрини исә Падшаһлыг һаггындакы мүждәјә ҹәлб едир. Һәр шејдән өнҹә исә, ‘тәвазөкарлара лүтф верән’ Јеһованын хошуна ҝәлир (1 Пет. 5:5).