Хатирә Ҝеҹәси илә әлагәдар хатырлатма

Хатирә Ҝеҹәсинин гејд едилмәси бу ил апрелин 16-на, чәршәнбә ҝүнүнә дүшүр. Ағсаггаллар ашағыдакы мәсәләләрә диггәт јетирмәлидирләр:

◼ Ҝөрүшүн вахтыны тә’јин едәркән әмин олун ки, символлар ҝүнәш батмаздан габаг верилмәјәҹәк.

◼ Һамыны, о ҹүмләдән мә’рузәчини, Ҝеҹәнин кечириләҹәји дәгиг јер вә вахт һаггында хәбәрдар етмәк лазымдыр.

◼ Бу мәрасим үчүн мүнасиб чөрәк вә шәрабы әлдә едиб, һазырламаг лазымдыр. (“Ҝөзәтчи Гүлләси”нин 1985-ҹи ил 15 феврал сајына (рус.), сәһ. 17-јә вә “Ҝөзәтчи Гүлләси”нин 2003-ҹү ил 1 март сајына, сәһ. 10, 11-ә бахын.)

◼ Зала әввәлҹәдән мүнасиб стол ҝәтирмәк, үстүнә сүфрә салыб бошгаблары вә гәдәһләри дүзмәк лазымдыр.

◼ Бу ҝөрүшүн кечириләҹәји Падшаһлыг Залыны вә ја диҝәр јери әввәлҹәдән јахшы јығышдырмаг лазымдыр.

◼ Хидмәтчи гардашлары вә символлары верәҹәк кәсләри тә’јин етмәк вә ҝөрүшүн неҹә кечәҹәјини, һәмчинин вәзифәләринин нәдән ибарәт олдуғуну онлара габагҹадан изаһ етмәк лазымдыр. Бундан әлавә, лајигли ҝејимин вә хариҹи ҝөрүнүшүн ваҹиблијини дә вурғуламаг лазымдыр.

◼ Гајғы ҝөстәрмәк лазымдыр ки, сәһһәтләри уҹбатындан бајрамда иштирак едә билмәјән мәсһ едилмиш мәсиһчиләрә гуллуг ҝөстәрилсин.

◼ Әҝәр ејни Падшаһлыг Залындан бир нечә јығынҹаг истифадә етмәк истәјирсә, онда онлар өлчү ҝөтүрмәлидирләр ки, адамлар вестибүлдә, ҝиришдә вә пилләкәндә топлашмасынлар, автомобил дајанаҹағында гарышыглыг олмасын. Јахшы оларды ки, ики ҝөрүш арасындакы фасилә 45 дәгигәдән аз олмасын.