Әлиллијә бахмајараг, мүвәффәгијјәтли ол
1 Әҝәр сән дә Јеһованын Шаһидләри арасында олан бир чох әлилләр сырасына дахилсәнсә, бу, сәнин мүвәффәгијјәтли хидмәтчи олмағына мане олмамалыдыр. Әксинә, бу вәзијјәтдә сәнин тәблиғ етмәк вә башгаларыны руһландырмаг кими хүсуси имканларын вар.
2 Тәблиғ етмәк үчүн имканлар. Әлил оланларын чоху бөјүк сә’јлә тәблиғ едирләр. Мисал үчүн, ҹәрраһијјә әмәлијјатындан сонра һәрәкәтетмә вә нитг габилијјәти зәдәләнмиш бир баҹымыз, әри автомобили инсанларын чох олдуғу сәкијә јахын сахлајанда, чохлу журнал пајлаја билир. Һәмин баҹы бир дәфә ики саат әрзиндә 80 журнал пајламышды! Хүсуси вәзијјәтин сајәсиндә, еһтимал ки, сән, адәтән евдә чәтин тапылан инсанларла әлагә сахлаја билирсән. Әҝәр беләдирсә, онда бу ҹүр инсанлары өзүнүн хүсуси әразин һесаб ет.
3 Сәнин тәблиғин чох еффектли ола биләр! Сәнин гәтијјәтини вә Мүгәддәс Китаб һәгигәтинин сәнә олан јахшы тә’сирини ҝөрәрәк, инсанлар Падшаһлыг һаггындакы хәбәрлә мараглана биләрләр. Бундан әлавә, башларына фаҹиә ҝәлән инсанлара раст ҝәләндә онларла Аллаһын Кәламында олан вә шәхсән сәнә фајда ҝәтирән тәсәлли илә бөлүшә биләрсән (2 Кор. 1:4).
4 Башгаларыны руһландырмаг. Мәҝәр өмрүнүн 37 илини сүн’и јолла нәфәсалма апаратында кечирән вә 17 адама Мүгәддәс Китаб һәгигәтини өјрәнмәјә көмәк едән Лорел Низбет һаггындакы һадисә сәни руһландырмырмы? Ејни тәрздә сәнин дә нүмунән һәмиманлыларыны, Јеһоваја хидмәтдә бүтүн имканларындан истифадә етмәкдә сә’ј ҝөстәрмәјә руһландыра биләр (w01 1.12. с. 15, абз. 10).
5 Һәтта вәзијјәт хидмәтдә үрәјинин истәдији гәдәр етмәјә јол вермәсә дә, сән јенә дә башгаларыны руһландыра биләрсән. Бир гардаш демишдир: “Мән анладым ки, һәтта ән зәиф инсан белә, башгаларына чох бөјүк көмәк етмәк игтидарындадыр. Арвадымла мән, јығынҹагдакы гардашлар үчүн бир нөв лөвбәр кимијик. Чүнки вәзијјәтимиз сајәсиндә биз һәмишә бурада, һәмишә јахындајыг”. Бахмајараг ки, әлиллик сәнә өз сә’јини һәјата кечирмәјә мане олур, ҝөстәрилән мүәјјән көмәклији гәбул едиб хидмәтдә фәал иштирак едә биләрсән. Буна ҝөрә дә сәнә һәр һансы бир көмәклик лазым оларса, бу көмәклик үчүн ағсаггаллара вә ја јығынҹагда сәнә көмәк едә биләҹәк башгаларына мүраҹиәт етмәјә утанма.
6 Јеһова, хидмәтдә Онун үчүн етдијин һәр бир шеји ҝөрүр вә сә’јлә јеринә јетирдијин хидмәтинә ҝөрә севинир (Мәз. 139:1-4). Әҝәр Она бел бағлајырсанса, О сәнә, хидмәтдә мүвәффәгијјәтли олмағын үчүн ҝүҹ верәҹәк (2 Кор. 12:7-10).